قازاقستاننىڭ 5 كاسىپورنى ساۋد ارابياسىنا ەت ەكسپورتتايدى

نۇر-سۇلتان. قازاقپارات - قازاقستاننىڭ ەت وڭدەۋ كاسىپورىندارى ساۋد ارابياسىنا ەت ەكسپورتتايدى، دەپ حابارلايدى قازاقپارات.

قازاقستاننىڭ اۋىل شارۋاشىلىعى مينيسترلىگى مەن ساۋد ارابياسىنىڭ ازىق-تۇلىك ونىمدەرى مەن ءدارى-دارمەك باسقارماسى اراسىنداعى ەكىجاقتى بەلسەندى ىنتىماقتاستىق ناتيجەسىندە قازاقستاندىق 5 ەت وڭدەۋ كاسىپورنى ساۋد ارابياسىنا قوي ەتى مەن سيىر ەتىن ەكسپورتتاۋعا قۇقىعى بار كاسىپورىندار تىزىمىنە ەنگىزىلدى.

ولار: «التىن قازىق» ج ش س (اقمولا وبلىسى)، «اقتوبە ەت كلاستەرى» ج ش س (اقتوبە وبلىسى)، «empire Food» ج ش س (الماتى وبلىسى)، «Meat Processing and Service LLP» ج ش س (الماتى وبلىسى)، «كۋبلەي» ج ش س (باتىس قازاقستان وبلىسى).

بۇعان دەيىن 2021-جىلعى 6-14- قىركۇيەك ارالىعىندا ساۋد ارابياسىنىڭ ۆەتەريناريا قىزمەتىنىڭ ماماندارى قازاقستاندىق 5 ەت وڭدەۋ كاسىپورنىنا ينسپەكتسيا جۇرگىزگەن بولاتىن.

«وسىلايشا، وتاندىق كاسىپكەرلەر باسقا ەلدەردىڭ اۋماعىندا قازاقستاندىق مال شارۋاشىلىعى ونىمدەرىن وتكىزۋدىڭ جاڭا نارىعىن يگەرۋدى جالعاستىرىپ جاتىر» دەپ حابارلايدى اۋىل شارۋاشىلىعى مينيسترلىگى.