16:25, 03 - تامىز 2022 | GMT +5
ەلوردادا 5-قاباتتان قۇلاعان ءسابيدىڭ جاعدايى ءبىرقالىپتى
نۇر-سۇلتان. قازاقپارات - ەلوردادا 3 جاسار ءسابي كوپپاتەرلى ءۇيدىڭ 5-قاباتىنان كىرە بەرىستەگى شاتىرعا قۇلاپ كەتتى، دەپ حابارلايدى قازاقپارات ءتىلشىسى.
نۇر-سۇلتان قالالىق قوعامدىق دەنساۋلىق ساقتاۋ باسقارماسى اگەنتتىك تىلشىسىنە ءسابيدىڭ جاعدايى ءبىرقالىپتى ەكەندىگىن ايتتى.
«2-تامىز كۇنى 2019 -جىلى دۇنيەگە كەلگەن ءسابي اۋرۋحانعا ءتۇستى. بالا نەيروحيرۋرگيا بولىمشەسىندە ستاتسيونارلىق ەم الىپ جاتىر. ول قۇلاعان كەزدە ءتۇرلى دەنە جاراقاتىن العان. قازىر بالانىڭ جالپى جاعدايى ءبىرقالىپتى. اناسىمەن بىرگە قارقىندى قاداعالاۋ پالاتاسىندا. بالا ەم-دوم مەن تەكسەرۋلەردى تولىق كولەمدە الىپ جاتىر»، - دەپ اتاپ ءوتتى قالالىق قوعامدىق دەنساۋلىق ساقتاۋ باسقارماسىنان.
