10:15, 30 - شىلدە 2022 | GMT +5
استانالىقتار ءۇشىن سپورتتىڭ 5 تۇرىنەن تەگىن جاتتىعۋلار وتكىزىلىپ جاتىر
نۇر-سۇلتان. قازاقپارات - ەلوردادا «قولجەتىمدى سپورت» جوباسى اياسىندا تۇرعىندار ءۇشىن سپورتتىڭ 5 تۇرىنەن جاتتىعۋلار تەگىن وتكىزىلىپ جاتىر، دەپ حابارلايدى قازاقپارات قالا اكىمدىگىنىڭ رەسمي سايتىنا سىلتەمە جاساپ.
«قولجەتىمدى سپورت» جوباسى بويىنشا ەلوردا تۇرعىندارى فيتنەس/يوگامەن، سكانديناۆيالىق جۇرىسپەن، ۇستەل تەننيسىمەن جانە كاراتەمەن اينالىسا الادى. جاتتىعۋدىڭ ءبارى استانالىقتار ءۇشىن تەگىن وتكىزىلەدى.
ايتا كەتەيىك، سپورت جاتتىعۋلارى اپتاسىنا 2 رەت قالا ساياباقتارىندا وتكىزىلەدى. بۇل رەتتە قاتىسۋشىلارمەن بىلىكتى جاتتىقتىرۋشىلار اينالىسادى. فيتنەس، جۇگىرۋ، كاراتە جانە سكانديناۆيالىق سەرۋەندەۋ جاتتىعۋلارىنا تىركەلۋدىڭ قاجەتى جوق، بەلگىلەنگەن ۋاقىتتا كەستە بويىنشا كەلۋگە بولادى. ۇستەل تەننيسىنەن ساباقتار زالداردا وتكىزىلەدى، سوندىقتان 77076184343+ نومىرىنە تىركەلۋ قاجەت. جاتتىعۋ كەستەسىن Instagram جەلىسىندەگى @dostupnyi_sport kz پاراقشاسىنان كورۋگە بولادى.
