يزرايلدەگى اسكەري وپەراتسيا كەزىندە 5 پالەستينالىق قازا تاپتى

باتىس جاعالاۋداعى دجەنين قالاسىنىڭ جانىنداعى يزرايل اسكەري كۇشتەرىمەن قاقتىعىس بولىپ، ەكى پالەستينالىق قازا تاپتى. ءبىر كۇن بۇرىن راماللا مەن ۆيفلەەم ماڭىنداعى سيلۆادادا يزرايلدىڭ قاۋىپسىزدىك وپەراتسياسى كەزىندە تاعى ءۇش پالەستينالىق قازا تاپتى، دەپ حابارلايدى WAFA پالەستينالىق اقپارات اگەنتتىگى.
جەكە مالىمەتتەر بويىنشا، قازا تاپقانداردىڭ ءبىرى 20 جاستا، ەكىنشىسى 14 جاستا بولعان.
دجەنيندە ولتىرىلگەن پالەستينالىقتاردىڭ ءبىرى وتكەن جىلى گيلبوا تۇرمەسىنەن قاشىپ، ەل بويىنشا ىزدەۋ ناتيجەسىندە ۇستالعان تۇتقىنداردىڭ ءبىرى ايمان كاماجيدىڭ اعاسى بولعانى حابارلاندى.
تساحال (يزرايل قورعانىس كۇشتەرى) بۇل وپەراتسيا وتكەن اپتادا تەل-اۆيۆتە بولعان، ءۇش يزرايلدىكتىڭ ءومىرىن قيعان اتىس سالدارىنان بولدى دەپ مالىمدەدى.
ۆيفلەەمگە جاقىن جەردە يزرايل اسكەري كۇشتەرى ءال-حادەر قالاسىنىڭ مەرى ياسير سبايحتىڭ ۇيىنە باسىپ كىرىپ، ونىڭ بالاسىن لاڭكەستىك ارەكەتتەرگە قاتىسى بار دەگەن كۇدىكپەن قاماۋعا الدى.
وتكەن تاۋلىكتە يەرۋساليم مەن راماللا ايماعىندا لاڭكەستىك ارەكەتكە قاتىسى بار دەگەن كۇدىكپەن بۇرىن سوتتالىپ بوساتىلعاندار دا ۇستالدى.