قازگيدرومەت: تامىزدىڭ 5 ى كۇنگى اۋا رايى بولجامى
كاسىپورىن تاراتقان مالىمەتتەرگە قاراعاندا، 5-تامىز كۇنى قازاقستاننىڭ باسىم بولىگىندە اتموسفەرالىق فرونتالدى بولىكتەردىڭ اسەرىنەن جاڭبىر جاۋىپ، نايزاعاي وينايدى.
ەلىمىزدىڭ وڭتۇستىگىندە جانە ورتالىعىندا عانا كۇن جاۋىن- شاشىنسىز، ىستىق بولادى. رەسپۋبليكا بويىنشا كەي جەرلەردە تۇمان ءتۇسىپ، جەل كۇشەيەدى، وڭتۇستىكتە شاڭدى داۋىل تۇرادى.
جامبىل، شىعىس قازاقستان، پاۆلودار وبلىستارىندا، تاڭەرتەڭ جانە كۇندىز تۇركىستان، كۇندىز قىزىلوردا، اتىراۋ، باتىس قازاقستان، قوستاناي وبلىستارىنىڭ كەي جەرلەرىندە جەل 15-20 م/س جىلدامدىقپەن سوعادى.
جامبىل، تۇركىستان، قىزىلوردا، اتىراۋ، باتىس قازاقستان وبلىستارىندا شاڭدى داۋىل تۇرىپ، شىعىس قازاقستان، كۇندىز جامبىل وبلىسىنىڭ كەي جەرلەرىندە بۇرشاق جاۋادى. ماڭعىستاۋ وبلىسىنىڭ جاعالاۋىندا، سولتۇستىك قازاقستان وبلىسىنىڭ كەي جەرلەرىندە تۇمان تۇسەدى.
كۇندىز اتىراۋ وبلىسى، ماڭعىستاۋ، اقتوبە وبلىستارىنىڭ كەي جەرلەرىندە وتە قاتتى ىستىق بولادى.
كۇندىز الماتى، جامبىل، قىزىلوردا، تۇركىستان، قوستاناي وبلىستارىنىڭ باسىم بولىگىندە، قاراعاندى، باتىس قازاقستان وبلىسىنىڭ كەي جەرلەرىندە قاتتى ىستىق بولادى.
قىزىلوردا، تۇركىستان، ماڭعىستاۋ، اتىراۋ، جامبىل، اقتوبە وبلىستارىنىڭ باسىم بولىگىندە، قاراعاندى، الماتى، باتىس قازاقستان، قوستاناي وبلىستارىنىڭ كەي جەرلەرىندە، شىعىس قازاقستان وبلىسىنىڭ وڭتۇستىگىندە، اقمولا وبلىسىنىڭ جەكەلەگەن اۋداندارىندا توتەنشە ءورت قاۋپى ساقتالادى.