قازگيدرومەت 5 وبلىستا ەسكەرتۋ جاريالادى
1 - ساۋىردە اقمولا وبلىسىنىڭ كەي جەرلەرىندە تۇمان تۇسەدى. شىعىستان سوققان جەل وڭتۇستىك- باتىسقا اۋىسادى، كۇندىز كەي جەرلەردە جىلدامدىعى 15-20 م/س- عا جەتەدى دەپ بولجانادى.
كوكشەتاۋ قالاسىندا 1 - ساۋىردە وڭتۇستىك-باتىستان جەل سوعادى، كۇندىز ەكپىنى 15-20 م/س بولادى.
1 - ساۋىردە قىزىلوردا وبلىسىنىڭ كەي جەرلەرىندە تۇمان تۇسەدى. قىزىلوردا قالاسىندا 1 - ساۋىردە كەي ۋاقىتتا تۇمان كۇتىلەدى.
1 - ساۋىردە قوستاناي وبلىسىندا كەي جەرلەردە تۇمان، كوكتايعاق، بۇرقاسىن كۇتىلەدى. وڭتۇستىك-باتىستان جەل سوعادى، كەي جەرلەردە جىلدامدىعى 15-20 م/س- عا جەتەدى دەپ بولجانادى.
قوستاناي قالاسىندا كۇندىز وڭتۇستىك-باتىستان جەل سوعادى، ەكپىنى 15-20 م/س- عا جەتەدى.
1-2- ساۋىردە قاراعاندى وبلىسىندا كەي جەرلەرىندە تۇمان، كوكتايعاق كۇتىلەدى. الماتى وبلىسىندا جاۋىن-شاشىن تۇسەدى دەپ بولجانىپ وتىر، قار جامىلعىسىنىڭ تۇراقسىزدىعى مەن بيىكتىگىنىڭ جوعارى بولۋىنا بايلانىستى ۇلكەن جانە كىشى الماتى سۋ الابتارىندا 2- ساۋىرگە دەيىن قار كوشكىنى قاۋپى ساقتالادى.
كوشكىن ءجۇرۋ قاۋپى مۇمكىن بولۋىنا بايلانىستى، قارلى تىك جارتاستارعا شىعۋ قاۋىپتى.
