15:58, 15 - ماۋسىم 2020 | GMT +5
الداعى ءۇش كۇندە تەمپەراتۋرا 5 گرادۋسقا دەيىن تومەندەيدى
نۇر-سۇلتان. قازاقپارات - «قازگيدرومەت» ر م ك 16-18-ماۋسىم ارالىعىنداعى اۋا رايى بولجامىن ۇسىندى، دەپ حابارلايدى قازاقپارات.
«ەلىمىزدىڭ سولتۇستىگىندە ىستىقتىڭ باسىلۋىنا اسەر ەتكەن سولتۇستىك سيكلوننىڭ بيىك قولاتى بىرتە-بىرتە وڭتۇستىك، ودان ءارى وڭتۇستىك- شىعىس وڭىرلەرگە تاراي باستايدى. ايتارلىقتاي جاۋىن-شاشىن كۇتىلمەگەنمەن، تەمپەراتۋرانىڭ 5...10 گرادۋسقا تومەندەۋى بايقالادى. ەلىمىزدىڭ تەك باتىسىندا يران اۋداندارىنان شىعاتىن جىلى اۋا ماسسالارىنان ىستىق، قۇرعاق اۋا رايى ساقتالادى»، - دەلىنگەن اقپاراتتا.
