قىتايدان قازاقستانعا 5 توننا گۋمانيتارلىق كومەك كەلدى
ق ر دەنساۋلىق ساقتاۋ ۆيتسە-ءمينيسترى كامالجان نادىروۆتىڭ ايتۋىنشا، گۋمانيتارلىق كومەك تۇرىندە جەكە قورعانىس قۇرالدارى مەن ناۋقاستاردى ەمدەۋ ءۇشىن دارىلىك پرەپاراتتار جەتكىزىلدى.
«قىتايدا ەپيدەميالىق جاعداي ناشارلاعاندا قازاقستان اتىنان گۋمانيتارلىق كومەك جىبەرىلگەن ەدى. بۇگىنگى جۇك اراسىندا مەديتسينالىق قۇرىلعىلار جوق. ءبىر رەتتىك قورعانىس كيىمى، مەديتسينالىق ماسكا، كوزىلدىرىك سىندى مەديتسينا ماماندارىنا قاجەت قورعانىس قۇرالدارى جەتكىزىلدى. ونىڭ جالپى سالماعى 5 توننادان اسادى»، - دەدى ۆيتسە-مينيستر ەلوردا اۋەجايىندا تىلشىلەرگە بەرگەن سۇحباتىندا.
سونىمەن بىرگە، قىتايدىڭ قازاقستانداعى ەلشىسى چجان سياو ءداستۇرلى دارىلەردىڭ دە جەتكىزىلگەنىن ايتتى.
«دارىگەرلەر بورتىنان بولەك، ەكىنشى ۇشاقتا گۋمانيتارلىق كومەك جەتكىزىلدى. ونىڭ اراسىندا مەديتسينالىق بەتپەردە، تەپلوۆيزور، كوزىلدىرىك، قولعاپ جانە ءداستۇرلى قىتاي دارىلەرى بار. جاڭا ۆيرۋسقا قارسى ۆاكتسينا مەن بەلسەندى دارىلەر بولماعاندىقتان، ءدال وسى داستۇرلىك دارىلەر كوروناۆيرۋسپەن كۇرەستە كومەك كورسەتكەن ەدى»، - دەدى چجان سياو.
ەلشىنىڭ ايتۋىنشا، قىتايلىق تاراپ تاعى دا قوسىمشا گۋمانيتارلىق كومەك جىبەرۋگە دايىن.
ايتا كەتەيىك، بۇگىن قىتايدىڭ شىنجاڭ-ۇيعىر اۆتونومدى اۋدانىنان 10 دارىگەر قازاقستان استاناسىنا كەلدى.
ولار كوروناۆيرۋس ينفەكتسياسىن جۇقتىرعانداردى ەمدەۋ بويىنشا تاجىريبە الماسادى.
ەلشىنىڭ ايتۋىنشا، قىتايدىڭ مەديتسينالىق بريگادالارى بۇگىندە پاكىستان، يتاليا، يران ەلدەرىندە جۇمىس ىستەپ جاتىر. قازاقستان - ق ح ر دارىگەرلەرى بارعان ت م د ەلدەرى اراسىنداعى جالعىز مەملەكەت.
