جولى بولعىش ادامنىڭ 5 ادەتى

 استانا. قازاقپارات - جولىڭىزدى كەسىپ وتكەن قارا مىسىقتان قورقۋدى جانە بەس جاپىراقتى بورتەگۇل مەن بولجامى بار پەچەنە تاڭداۋدى دوعارىڭىز.

سىزدەرگە ساتتىلىكتى شاقىرۋعا كەز كەلگەن دۋاگەردەن جاقسى كومەكتەسەتىن عىلىمي ادىستەردى ۇسىنامىز. ەدينبۋرگ ۋنيۆەرسيتەتىنىڭ ءۇش «جولى بولعىش» پسيحولوگى -  ريچارد ۋايزمان، مەتيۋ سميت جانە پيتەر حارريس ءتۇرلى ادامداردىڭ اراسىنداعى ايىرماشىلىقتى زەرتتەي باستايدى. نەلىكتەن بىرەۋلەرگە ءارقاشان «ءساتتى بيلەت» تۇسەدى، ال باسقالارى تاعدىردىڭ «بونۋسىن» الا المايدى؟ ونجىلدىق زەرتتەۋ ناتيجەسىندە مىناداي تۇجىرىمداما جاسادى: ادام ساتتىلىگىمەن بىرگە تۋىلمايدى، ءبىراق ونى جۇرە- بارا ۇستاپ الا الادى. سونىڭ ىشىندە، ادامنىڭ باستاپقى مالىمەتتەرى ماڭىزدى ەمەس.

1-ادەت: ءوز ساتىڭە كۇماندانباۋ
ريچارد ۋايزمان «ساتتىلىگى بار تاجىريبەگە» قاتىسۋشىلار ىزدەيتىندىگىن ايتىپ، گازەتكە حابارلاندىرۋ بەرەدى. وعان وزدەرىن ءساتسىز سانايتىندار دا، وزدەرىن %100 جولى بولعىش سانايتىندار دا قاتىسا الاتىن بولادى. ول بارلىق قاتىسۋشىلارعا قالىڭ گازەت بەرىپ، ونداعى سۋرەتتەردى ساناۋدى تاپسىرادى. ونىڭ قۇپياسى بار بولاتىن: گازەتتىڭ ءبىر بەتىندە ۇلكەن جازۋمەن حابارلاندىرۋ جاريالانعان. وندا «بۇل انونستى پروفەسسورعا كورسەتىپ، £ 250 ال» دەلىنگەن. پروفەسسور كۇتكەندەي، ونى بارلىق جولى بولعىشتار بايقاپ، سىياقى الادى.

ال وزدەرىن الدىن الا «ساتسىزدەر» قاتارىنا قوسقان ادامدار حابارلاندىرۋدى كورمەگەن. جولى بولعىش ادامدار اشىق ءارى بوس كەلەدى، سوندىقتان ولار تەك ىزدەگەندى ەمەس، بار نارسەنى دە كورەدى. تاجىريبە كورسەتكەندەي، ساتتىلىك -  جاعدايلاردىڭ توعىسۋى ەمەس، ادامنىڭ كەز كەلگەن مۇمكىندىكتى قولدانۋعا دايىندىعى مەن يكەمدىلىگى. جولى بولعىش ادامنىڭ باستى ادەتى -  وزىنە سەنۋ.

2-ادەت: تانىستاردى كوبەيتۋ

وزىڭىزگە مىناداي ۇستانىم قويىڭىز: «مەن تانىس ەمەس ادامدارمەن وڭاي ءتىل تابىسا الامىن. مەن ءۇشىن بىرەۋمەن تانىسۋ نەمەسە تانىس ەمەس ادامنان ءوتىنىش سۇراۋ قيىن ەمەس. مەنىڭ جولىمدا قىزىقتى ادامدار كەزدەسەدى. «جاعداي مۇمكىندىگىن ماكسيمۋم قولدانىڭىز. مۇمكىن، ول ءساتتى بولاتىن شىعار؟ مىسالى، پويىزداعى جولاۋشىمەن اڭگىمە قوزعاڭىز. ناتيجەسىندە، قانشاما پايدالى نارسە بولاتىنىن بايقايسىز. ريچارد ۋايزماننىڭ ويىنشا، جولى بولعىشتار جاڭا نارسەنىڭ بارلىعىنا اشىق بولىپ كەلەدى. بۇل قاسيەتتى كۇندەلىكتى ومىردە جاتتىقتىرۋعا بولادى. مىسالى، ۇيدە باسقاشا تاماقتار ءپىسىرىپ تۇرىڭىز نەمەسە مەيرامحاناعا بارعاندا وزىڭىزگە تانىس ەمەس تاعامعا تاپسىرىس بەرىڭىز.

3-ادەت: ءوز ينتۋيتسياڭا كوبىرەك سەنۋ

جولى بولعىش ادامدار ومىرىندە ينتۋيتسيالارىمەن ارەكەت ەتەدى. ءوزىڭىزدىڭ ىشكى سەزىمىڭىزگە مۇقيات بولىڭىز. ءوزىڭىزدى جاقسىراق تانۋ ءۇشىن كۇندە بوساڭسۋدى جانە ءوزىڭىزدى تىڭداۋدى ۇيرەنىڭىز. ول ءۇشىن تاڭەرتەڭ مەديتاتسيا جاساپ ۇيرەنۋگە بولادى. سول سياقتى اراسىندا تابيعاتقا، تاۋعا، اۋىلعا بارىپ، تىنىشتىقتا ءوزىڭىز وتىرىپ، دەمالۋدى ادەتكە اينالدىرىڭىز.

4. ساتسىزدىكتەن پايدا كورە ءبىلۋ

ريچارد ۋايزمان بىلاي دەيدى: «ليموننان ليموناد جاساڭىز!» جولى بولعىشتار دا باسقالارى سياقتى قيىندىقتارعا جولىعادى، ءبىراق باسقالارعا قاراعاندا ناشار تاجىريبەنى جاقسى جانە پايدالى ناتيجەگە اينالدىرا الادى. ءساتتى ادامدار كەدەرگىلەرگە توقتامايدى، كەرىسىنشە ولاردى جاقسى نارسەگە ۇيرەنۋگە، وزگەرۋگە مۇمكىندىك دەپ قابىلدايدى.

5. پوزيتيۆتى ويلاۋ

پوزيتيۆتى ويلاۋدىڭ پايداسى تۋرالى ايتۋدان جالىقپايمىز. ونى تاجىريبەدە قولدانىپ كورۋ ارقىلى عانا ونىڭ پايداسىن تۇسىنەسىز. ساتتىلىك ءبىزدىڭ ىشكى جاعدايدى كورسەتەدى. ول ءبىزدىڭ ەنەرگەتيكامىزعا، سەنىمىمىزگە جانە ومىرگە قاتىناسىمىزعا بايلانىستى. كۇندە كەشكىسىن بىرنەشە مينۋت ۋاقىت ءبولىپ، ويلانىڭىز: بۇگىن سىزبەن قانداي جاقسىلىق بولدى؟

 

Massaget.kz