پايدالى قازبالاردى زاڭسىز الۋشىلار 5 جىلعا سوتتالۋى مۇمكىن
سەگىز قىلمىستىق ءىس قوزعالىپ، 20 دان استام ماتەريال شەشىم قابىلداۋ ءۇشىن پوليتسيا مەن ەكولوگيا دەپارتامەنتىنە جىبەرىلدى، دەپ حابارلايدى قازاقپارات.
قاراعاندى وبلىسى اكىمىنىڭ باسپا ءسوز قىزمەتىنەن ءمالىم ەتكەندەي، بۇل سۇراق مامىر ايىندا ايماق باسشىسى جانىنداعى كاسىپكەرلىك ماسەلەلەر جونىندەگى كوميسسيدا كوتەرىلگەن. سودان كەيىن بيلىك وكىلدەرى جۇمىس توبىن قۇرعان، ونىڭ قۇرامىنا قۇقىق قورعاۋ جانە كۇش ورگاندارى، جەر قويناۋىن پايدالانۋشىلاردىڭ وكىلدەرى ەندى.
«پايدالى قازبالاردى زاڭسىز تۇردە قازۋدىڭ الدىن الۋ ءۇشىن جول كارتاسىن قۇرعان بولاتىنبىز. اۋىلدىق اكىمدىكتەر مەن ۋچاسكەلىك ينسپەكتورلاردان باستاپ بارلىق مەملەكەتتىك ورگاندار بۇل باعىتتا جۇمىستارىن ۇدەتتى. رەيدتەردىڭ ناتيجەسىندە ماۋسىمنان باستاپ جەر قويناۋىن زاڭسىز قازۋدىڭ 30 دەرەگى تىركەلدى»، - دەپ مالىمدەدى وبلىس اكىمىنىڭ ورىنباسارى سەرىك شايداروۆ ينۆەستيتسيالاردى جۇمىلدىرۋ جانە ايماقتىڭ ينۆەستيتسيالىق كليماتىن جاقسارتۋ بويىنشا كەڭەس پەن كاسىپكەرلىك ماسەلەلەر جونىندەگى كوميسسيانىڭ بىرلەسكەن وتىرىسىندا.
اتاپ وتىلگەندەي، قىلمىستىڭ اۋماعى كەڭ: جەزقازعاننان باستاپ نۇرا اۋدانىنا دەيىن. ەڭ كوپ دەرەكتەر بۇقار جىراۋ اۋدانىندا تىركەلگەن (10).
سەگىز فاكتى بويىنشا ق ر ق ك- ءنىڭ 334-بابىمەن («جەر قويناۋىن ءوز بەتىنشە پايدالانۋ») قىلمىستىق ىستەر قوزعالدى. بۇل قىلمىس ءۇشىن بەس جىلعا دەيىن باس بوستاندىعىنان ايىرۋ نەمەسە ۇلكەن سومادا ايىپپۇل قاراستىرىلعان (كەلتىرىلگەن شىعىنعا بايلانىستى 3 مىڭ ايلىق ەسەپتىك كورسەتكىش كولەمىندە).
«شاعىمدارىمىز نازارعا الىنىپ، ارەكەتتەر قولعا الىندى. قازىر جاعداي تۇبەگەيلى وزگەردى. ۇلكەن كولەمدى ەكسكاۆاتورلار مەن جۇك تيەۋشى تەحنيكانى قولدانا وتىرىپ، اشىق تۇردە جەر قويناۋىن توناۋ دەرەكتەرى جوق»، - دەدى كاسىپكەر الەكساندر كيكۋ.
ونىڭ ايتۋىنشا، قاراعاندى وبلىسىندا قۇم-قيىرشىق تاس قوسپاسىنا سۇرانىس %60 ارتقان. ول قۇرىلىس ناۋقانىنىڭ قارقىنىمەن بايلانىستى. زاڭسىز باسەكەلەستىكتى جويۋ بارلىعىنا تەڭ وڭ اسەرىن ەتۋدە.
وبلىس اكىمى ەرلان قوشانوۆ بۇل جۇمىستى جۇيەلى تۇردە ءالى دە جالعاستىرۋدى تاپسىردى.
