19:41, 13 - ءساۋىر 2018 | GMT +5
قۇدىققا قۇلاعان ارىپتەسىن قۇتقارماق بولعان 5 ادام قازا تاپتى
استانا. قازاقپارات - رەسەي فەدەراتسياسىنىڭ ۋفا قالاسىندا مەيرامحانا كەشەنىنىڭ 6 قىزمەتكەرى قۇدىققا قۇلاپ كەتكەن ارىپتەسىنە كومەكتەسۋ ءۇشىن تومەن ءتۇسىپ، بەلگىسىز گازبەن ۋلانعان. ولاردىڭ بەسەۋى قازا تاپتى.
بۇل تۋرالى جۇما كۇنى قالا مەرياسىنىڭ باسپا ءسوز قىزمەتىنەن ءمالىم ەتتى، دەپ حابارلايدى ت ا س س.
«الدىن الا دەرەك بويىنشا، مەيرامحانا قىزمەتكەرى نىسان اۋماعىندا جۇمىس ىستەپ ءجۇرىپ، قۇدىق ىشىنە قۇلاعان. وعان كومەكتەسۋگە باسقا دا قىزمەتكەرلەر كەلىپ، قۇدىققا تۇسكەن. قولدا بار اقپارات بويىنشا، قۇدىقتا بەلگىسىز گاز جينالىپ قالعان. سونىڭ سالدارىنان كەشەن قىزمەتكەرلەرى ەستەن تانعان»، - دەلىنگەن حابارلامادا.
جەدەل جاردەم مەن ازاماتتىق قورعانىس باسقارماسىنىڭ قىزمەتكەرلەرى وقيعا ورنىنا 10 مينۋتتا كەلگەن.
«وكىنىشكە وراي، تەك ءبىر قىزمەتكەردى قۇتقارىپ ۇلگەردىك. بەسەۋىنە كومەكتەسە المادىق - ولار قازا تاپتى»، - دەپ اتاپ ءوتتى مەريادا.
