قازاقستاندىق فيلم العاش رەت ءبىر ۋاقىتتا 5 ەلدە كورسەتىلەدى

استانا. قازاقپارات - تانىمال قازاقستاندىق رەجيسسەر اقان ساتايەۆتىڭ «ونا»(ايەلدەرگە قاراتىلعان «ول» دەگەن ماعىنادا - رەد.) فيلمى ت م  د- نىڭ بەس ەلىندە پروكاتقا شىعارىلدى، دەپ حابارلايدى «قازاقپارات» ح ا ا ءتىلشىسى.

«ونا» پسيحولوگيالىق تريللەرى بىرنەشە ەلدە ءبىر ۋاقىتتا پروكاتقا شىعارىلعان العاشقى تولىقتاي قازاقستاندىق ءونىم اتاندى. ول ت م  د- نىڭ بەس ەلىندە - قازاقستان، رەسەي، بەلارۋس، ارمەنيا جانە قىرعىزستاندا كورسەتىلەدى.

فيلمدە باستى ءرولدى تانىمال تەاتر جانە كينو اكتريساسى ايسۇلۋ ازىمبايەۆا مەن 9 جاسار اناستاسيا ۆوستروۆا سومداعان.

سيۋجەت بويىنشا، ءبۇلدىرشىن قىز اناسىمەن بىرگە ۇلكەن قالادا ءومىر سۇرەدى. بۇل قالادا ولاردان باسقا ەشكىم بولمايدى. الايدا، ءبىر كۇنى قىزعا ءوزىن بىرەۋ اڭدىپ جۇرگەندەي جانە ونى اناسىنان ايىرعىسى كەلەتىندەي سەزىلەدى. ەكى كەيىپكەر دە اقىرىن ەستەرىنەن اۋىسا باستايدا، ءبىراق ولار ءتىرى جان بالاسى جوق قالادا تاعى ءبىر ادامنىڭ بارىن بايقايدى.

ايتا كەتەيىك، «ونا» پسيحولوگيالىق تريللەرى بۇگىننەن باستاپ ت م د- نىڭ 5 ەلىندەگى 400 كينوتەاتردا، سونىڭ ىشىندە قازاقستاننىڭ 70 كينوتەاترى مەن رەسەيدىڭ 350 كينوتەاترىندا پروكاتقا شىعادى. فيلمنىڭ الەمدىك پرەمەراسى پۋسانداعى كينوفەستيۆالدە ءوتتى.