كاتالونيانىڭ تالانتتى 5 تۋماسى

 استانا. قازاقپارات - سوڭعى ۋاقىتتا كاتالونيانىڭ تاۋەلسىزدىك الۋ جولىنداعى تالپىنىستارى باستى جاڭالىقتاردان تۇسپەي كەلەدى.

وسى ورايدا يسپانيانىڭ كاتالونيا اۆتونومدىق وبلىسىندا قاراشانىڭ 25 - كۇنى پارلامەنتتىك سايلاۋ وتەتىن ناتيجەسى كاتالونيانىڭ بولاشاعىنا تىكەلەي اسەر ەتپەك. ويتكەنى، كاتالونيالىقتاردىڭ باسىم بولىگى يسپانيادان ءبولىنۋدى قالايدى. ساراپشىلار تاۋەلسىزدىكتى حالىقتىڭ 53 پايىزى قولداۋى مۇمكىن دەگەن جورامال جاساپ وتىر. وزگەلەردەن وزىندىك كولوريتىمەن ەرەكشەلەنىپ تۇراتىن كاتالونيا حالقىنىڭ مادەنيەتى مەن تۇرمىس- سالتى بىرەۋگە تانىس بولسا، بىرەۋ بۇل اۆتونوميانىڭ بار ەكەنىن دە حابارسىز. سول سەبەپتى، وسى ماقالادا اتى الەمگە تانىمال كاتالونيا تۋمالارى تۋرالى شاعىن اقپارات بەرۋدى ءجون كوردىك. بىلە ءجۇرىڭىز، وقىرمان.

ەسىمى جەر جاھانعا ءماشھۇر سالۆادور دالي (1904-1989) كاتالونيا جۇرتشىلىعىنىڭ ەڭ دارىندى وكىلى. قىلقالام شەبەرى كاتالونيانىڭ فيگەراس قالاسىندا تۋىپ، ءومىرىنىڭ كوپ بولىگىن سوندا وتكىزگەن. وندا قازىر دالي تەاتر- مۇراجايى جۇمىس ىستەيدى.

ءوزىنىڭ كوز تارتار كوركى مەن ايرىقشا ارحيتەكتۋراسى ءۇشىن كاتالونيا استاناسى بارسەلونا وسى ايماقتىڭ تاعى ءبىر تالانتتى تۋماسى انتوني گاۋديگە (1852-1926) قارىزدار.

رايمۋند لۋلليي (1235-1315) ەسىمدى ورتاعاسىرلىق ساياحاتشى ءارى فيلوسوف العاشقىلاردىڭ ءبىرى بولىپ تۋىندىلارىن تۋعان كاتالان تىلىندە جازعان ەكەن.

 الەمنىڭ ۇزدىك ۆيولونچەليستەرىنىڭ ءبىرى پاۋ كازالس (1876-1973) تا كاتالونيا جەرىندە دۇنيەگە كەلگەن.

 كاتالونيا جەرى ءجۇزىم ءارى شاراپ وندىرىسىمەن تانىمال بولسا، دۇنيە جۇزىندەگى ەڭ اتاقتى شاراپ جاساۋشى فاكۋندو باكاردي (1814-1887) كاتالونيالىق بولماعاندا كىم بولادى؟ ! ول 1862 - جىلى كۋبادا «باكاردي» شاراپ جاساۋ كومپانياسىنىڭ نەگىزىن قالاعان.

Massaget.kz