كۇزدى سۇيۋگە 5 سەبەپ

 استانا. قازاقپارات - ءسىز ءۇشىن كۇز مەزگىلى مۇڭلى، جابىرقاۋ كەزەڭ بە؟ كوڭىلىڭىزدى تۇسىرمەي، ءبىزدىڭ كەڭەستەرىمىزگە نازار سالساڭىزدار، كۇزدەن راحات الىپ، ونىڭ كوڭىلدى بولا الاتىندىعىنا كوزىڭىز جەتەدى.

 قالا كوشەلەرىندە قىدىرىپ، ءتۇرلى تۇسكە بويالعان كورىنىستى تاماشالاۋ

جەرگە سارى، جاسىل، قىزىل، التىن ءتۇستى جاپىراقتار تۇسكەندە، وزىڭىزبەن بىرگە فوتواپپارات الىپ، قالانىڭ ەڭ كەرەمەت كۇزگى كورىنىستەرىن ىزدەۋگە شىعىڭىز. ساياباقتار، كوشەلەر، ءتىپتى بىرەۋدىڭ ەسىك الدىنداعى اۋلاسى ءسىز ءۇشىن جانىڭىزدى تىنىشتاندىراتىن، رۋحتاندىراتىن جەرگە اينالۋى مۇمكىن. ال ءساتتى شىققان سۋرەتتەر كەيىن جۇمىستا نە ۇيدە وسى ەرەكشە سەزىمدى ەسىڭىزگە ءتۇسىرىپ وتىرادى. توڭىپ قالساڭىز، دالاداعى كوفەحاناعا وتىرىپ، ءبىر كەسە حوش ءيىستى كوفە ءىشىپ الىڭىز.

ءوزىڭىزدى قولعا الىپ، كۇتە باستاۋ

كۇز جەمىس پەن كوكونىستەرگە باي كەزەڭ. سولاردى راتسيونىڭىزعا كوپتەپ قوسىپ، دارۋمەن تاپشىلىعىنان ساۋىعىڭىز. جالپى دۇرىس تاماقتانۋ تارتىبىنە ءوتىپ، راتسيونىڭىزدى قاداعالاي باستاڭىز. جازعى دەمالىستا ۇمىتقان جاقسى ادەتتەرىڭىزدى قايتا قولعا الىپ، تاڭمەن جۇگىرىپ، سپورتزالعا جازىلىڭىز. بەت تەرىسى، شاش، دەنەڭىزگە كۇتىم كورسەتىپ، ءتۇرلى كوسمەتيكالىق داۋالار دا ىستەگەن ءجون.

 كىتاپتار وقۋ

كۇزدىڭ ۇزاق سالقىن كەشتەرى ۇيدە دەمالىپ جاتقاندا، قولعا كىتاپتى العاننان ارتىق ءىس جوق. وزىڭىزگە جايلى بۇرىش دايىنداپ، تەلەفونداردى ءوشىرىپ، ادەبيەت الەمىنە اتتانىڭىز.

ەرىنشەك بولۋ

جازدىڭ ىستىق كەشتەرى ۇيدە وتىرا الماي، دالاعا بەلگىسىز ىستەرمەن كەتىپ قالامىز. ال كۇزدە ناشار اۋا رايىنا بايلانىستى ۇيدە وتىرىپ، ىستىق شاي ءىشىپ، تەلەديدار قاراۋدان باسقا ىستەرگە ەرىنەمىز. كۇزدە كىشكەنە ەرىنشەك بولۋدان ۇيالماي- اق قويىڭىزدار.

ءومىردى وزگەرتۋ

جاڭا وقۋ جىلىنىڭ باسى -  1 - قىركۇيەكتىڭ ءوزى بىزگە كۇز وزگەرىس كەزەڭى ەكەنىن كورسەتەدى. جاڭا وقۋ جىلى، جۇمىس كەزەڭى جاڭالىققا، وزگەرتۋلەرگە يتەرمەلەيدى. ومىرىڭىزدە قانداي دا ءبىر زاتتار كوڭىلىڭىزدەن شىقپاي ما؟ ەندەشە ولاردى وزگەرتۋدىڭ كەزى كەلدى. جاڭا جۇمىس نە قىزىعۋشىلىق، ءۇي ينتەرەرى، اعىلشىن ساباقتارى نە باسقا كەز كەلگەن ءىس ومىرىڭىزگە جاڭاشىلدىق كىرگىزىپ، تۇرلەندىرە تۇسەدى.

Massaget.kz