11:29, 19 - قىركۇيەك 2017 | GMT +5
ەلوردادا ەكى قاباتتى اۆتوبۋسپەن 5 مىڭنان استام تۋريست سەرۋەندەدى
استانا. قازاقپارات - ءساۋىر ايىنان باستاپ ەلوردانىڭ كورىكتى جەرلەرىن جايلى ەكسكۋرسيالىق اۆتوبۋستار تەرەزەسىنەن 5 مىڭ قوناق تاماشالادى، دەپ ءمالىم ەتتى «استانا كونۆەنشن بيۋرو» ج ش س- نىڭ باس مەنەدجەرى اينۇر ءجانابىلوۆا.

ساياحات باعىتى الدىن الا بەلگىلەنەتىندىكتەن، ال بيلەتتەر ءبىر كۇن بويى جارامدى بولعاندىقتان تۋريستەر كەز كەلگەن ايالدامادا ايالداي الادى.
«ەكسكۋرسيالىق اۆتوبۋستىڭ ەرەكشەلىگى ول Hop-On Hope-Of جۇيەسى بويىنشا جۇمىس ىستەيدى. بۇل دەگەنىڭىز - تۋريست بيلەتتى ساتىپ الىپ، كەز كەلگەن ۋاقىتتا باعىت ايالدامالارىنان شىعىپ، قالانىڭ كورىكتى جەرلەرىمەن جان-جاقتى تانىسا الادى. ودان كەيىن اۆتوبۋس كەلگەندە ساياحاتشىلار قوسىمشا بيلەت ساتىپ الماي-اق ارى قاراي ساپارىن جالعاستىرا بەرەدى»، - دەپ حابارلادى ا. ءجانابىلوۆا.
قىزىل اۆتوبۋستار استانانىڭ ايتۋلى جەرلەرى تۋرالى اقپاراتتى قۇلاققاپ ارقىلى تىڭداۋعا مۇمكىندىك بەرەتىن اۋديو جۇيەمەن جابدىقتالعان. بيىل اۋديوەكسكۋرسيالار التى تىلدە قولجەتىمدى بولدى: قازاق، ورىس، اعىلشىن، قىتاي، نەمىس، تۇرىك تىلدەرىندە.