كولىككە «ادەمى» مەملەكەتتىك تىركەۋ ءنومىرىن ساتۋدان بيۋدجەتكە 5 ميلليارد تەڭگە ءتۇستى

بۇل تۋرالى «قازاقپارات» اگەنتتىگىنىڭ رەسمي ساۋالىنا بەرگەن جاۋابىندا ق ر ءى ءى م اكىمشىلىك پوليتسيا كوميتەتىنىڭ ءتوراعاسى يگور لەپەحا ءمالىم ەتتى.
«نورمانى ەنگىزگەن كۇننەن باستاپ، (2014 -جىلدىڭ 20 - قازانى)، قازىرگى ۋاقىتقا دەيىن 11380 جوعارى سۇرانىسقا يە مەملەكەتتىك تىركەۋ نومىرلەرىنىڭ جيىنتىعى ساتىلدى جانە ولاردىڭ ساتىلۋى ەسەبىنەن بيۋدجەتكە 5283079953 تەڭگە ءتۇستى»، - دەلىنگەن «قازاقپارات» اگەنتتىگىنە بەرىلگەن جاۋاپتا.
حالىق اراسىندا ەڭ ۇلكەن سۇرانىسقا 007 مەن 777 نومىرلەرى يە. مەملەكەتتىك تىركەۋ نومىرلەرى الماتى مەن استانادا كوپ ساتىلعان.
«ادەمى» نومىرلەردىڭ باعاسى سالىق كودەكسىنىڭ 540-بابىندا بەلگىلەنگەن.
100, 111, 200, 222, 300, 333, 400, 444, 500, 555, 600, 666, 700, 800, 888, 900, 999 ساندارى بار مەملەكەتتىك نومىرلەردىڭ قۇنى ايلىق ەسەپتىك كورسەتكىشتىڭ 13700 پايىزىنا تەڭ كەلسە، 001, 002, 003, 004, 005, 006, 007, 008, 009, 777 نومىرلەرى ايلىق ەسەپتىك كورسەتكىشتىڭ 22000 پايىزىن قۇرايدى.
ايتا كەتەيىك، قازاقستان ا ە ك دەڭگەيى - 2121 تەڭگە.
اۆتور: جاسۇلان جولدىبايەۆ