گورباچيەۆتىڭ ۋكرايناعا كىرۋىنە 5 جىلعا تىيىم سالىندى

استانا. قازاقپارات - ۋكراينا قاۋىپسىزدىك قىزمەتى ميحايل گورباچيەۆتىڭ ەلگە كىرۋىنە بەس جىلعا تىيىم سالدى دەپ جازادى «ازاتتىق».

قاۋىپسىزدىك قىزمەتى وكىلى الەنا گيتليانسكايا بۇل اقپاراتتى «ينتەرفاكس» اگەنتتىگىنە راستاپ، تىيىم سالۋعا «ۇلتتىق قاۋىپسىزدىك مۇددەلەرى» سەبەپ بولعانىن ايتقان. ونىڭ سوزىنشە، تىيىم گورباچيەۆتىڭ تاياۋدا 2014-جىلى رەسەيدىڭ قىرىم تۇبەگىن ۋكراينادان اننەكسيالاعانىن قولداعان مالىمدەمەسى سەبەپ بولعان.

Sunday Times-كە بەرگەن سۇحباتىندا س س س ر- ءدىڭ سوڭعى باسشىسى، 85 جاستاعى گورباچيەۆ كرەملدىڭ قىرىمدى اننەكسيالاۋ شەشىمىن قولداعان. ول سونىمەن قاتار رەفەرەندۋمدى «قىرىم حالقىنىڭ كوپشىلىگىنىڭ ءوز قالاۋىن ەركىن ءبىلدىرۋى» دەپ، حالىقارالىق قاۋىمداستىقتى سىناعان.

گورباچيەۆ پرەزيدەنت ۆلاديمير پۋتيننىڭ ورنىندا بولسا ءوزى دە وسىنداي ءىس-ارەكەت جاسايتىنىن ايتتى. ول ۋكرايناعا كىرۋگە تىيىم سالۋعا قاتىستى كوممەنتاري بەرگەن جوق.