ادامداردىڭ جاعدايى نەلىكتەن جامان؟ دەگەن سۇراققا جاۋاپ بەرگەن 5 ەۆرەي

نۇر- سۇلتان. قازاقپارات - ەۆرەي حالقى ءوزىنىڭ اسقان اقىلدىلىعىنىڭ ارقاسىندا تورتكۇل دۇنيەگە تانىلىپ ۇلگەرگەن حالىق.

ولاردى «ومىرشەڭ حالىق» دەپ تە اتايدى. ەۆرەيلەر تاريحتا كوپتەگەن قايعىلى وقيعالاردى باستان كەشىرسە دە، قاشاندا ەڭسەسىن تىك ۇستاپ، ءومىردىڭ سان الۋان سىندارىنا شىداي بىلگەن.

ادامزات تاريحىندا ۇستاز رەتىندە بارلىق الەمگە ءماشھۇر بولعان 5 ەۆرەي بار. بۇل ادامداردىڭ تاريحقا قوسقان جاڭالىقتارى وتە كوپ جانە ولاردىڭ ءىلىمىن ءالى كۇنگە دەيىن ۇيرەنىپ، دامىتىپ جاتىر.

ول كىسىلەردىڭ قۇندى پىكىرلەرى سىزدەرگە دە قاتىستى دەپ ويلايمىز. جوعارىدا ايتىلعانداي، ەۆرەيلەر تاعدىر تاۋقىمەتىنە توزە بىلگەن حالىق. ال، ءبىزدىڭ بارلىق ماسەلەرىمىزدىڭ سىرى نەدە؟ وسى سۇراققا جاۋاپ بەرگەن دانىشپاندارمەن تانىس بولىڭىزدار.

ءبىرىنشى دانا ەۆرەي ماڭدايىن كورسەتىپ، ادامداردىڭ جاعدايى وسى جەردەگى جاعدايعا بايلانىستى جامان دەدى. ونىڭ اتى - مۇسا پايعامبار.

ەكىنشى اقىلدى ەۆرەي جۇرەگىن كورسەتىپ، ادامداردىڭ جاعدايى وسى جەردەگى جاعدايعا بايلانىستى جامان دەدى. ونىڭ اتى - يسا.

ءۇشىنشى ەۆرەي قالتاسىن كورسەتىپ، ادامداردىڭ جاعدايى وسى جەردەگى جاعدايعا بايلانىستى جامان دەدى. ونىڭ اتى - كارل ماركس.

ءتورتىنشى دانىشپان ەۆرەي بەلىنەن تومەن جەردى كورسەتىپ، ادامداردىڭ جاعدايى وسى جەردەگى جاعدايعا بايلانىستى جامان دەدى. بۇنىڭ اتى - زيگمۋند فرەيد.

بەسىنشى داناگوي ەۆرەي، ادامداردىڭ جاعدايى ءبىز ويلاعانداي جامان ەمەس، ويتكەنى بارلىعى سالىستىرمالى دەدى. ونىڭ اتى - البەرت ەينشتەين.

سۋرەت: veonoticia.com, a16z.com, thenewsdoctors.com, science.spb.ru