جامبىل وبلىسىندا 5 مىڭ باس ءىرى قاراعا ارنالعان بورداقىلاۋ كەشەنى ىسكە قوسىلادى
ناقتىراق ايتساق، «مويىنقۇم اگرو» بازاسىندا ەكى ءىرى كەشەن - 3000 باسقا ارنالعان بورداقىلاۋ الاڭى مەن ەت باعىتىنداعى ءمۇيىزدى ءىرىقارا وسىرۋمەن اينالىساتىن 5000 باسقا ارنالعان شارۋاشىلىق- رەپرودۋكتور قۇرىلىسى اياقتالادى.
بۇگىنگى كۇنگە سەرىكتەستىك تاراپىنان رەسەي فەدەراتسياسىنان 900 باس «قالماق» اسىل تۇقىمدى م ءى ق ( ءمۇيىزدى ءىرىقارا) مالى، 1200 باس جىلقى اكەلىندى. 2016 - جىلدىڭ اياعىنا دەيىن 1000 باس اسىل تۇقىمدى ەمەس جانە 3000 باس اسىل تۇقىمدى م ءى ق اكەلىنۋى جوسپارلانۋدا.
جالپى جوبا قۇنى 5,0 ميلليارد تەڭگەگە جۋىق بولسا، ونىڭ ىشىندە 1,5 ميلليارد تەڭگەسى يگەرىلدى. يگەرىلگەن قاراجاتتىڭ 700,0 ملن. تەڭگەسى «قازا اگروقارجى» ا ق ارقىلى بولىنگەن بولسا، قالعان قاراجات كولەمى ءوز ەسەبىنەن «قۇلان»، «التىن اسىق» جانە «سىباعا» باعدارلامالارى ارقىلى جەڭىلدەتىلگەن نەسيەمەن الىندى.
بۇگىنگى تاڭدا جوباعا سايكەس سالىناتىن 20 مال قوراسىنىڭ 9-نىڭ قۇرىلىسى تولىق اياقتالىپ، 2- ۋىنىڭ قۇرىلىسى جۇرگىزىلۋدە. مالشىلار تۇراتىن ۇيلەردى سالۋعا 45 ادام تارتىلعان.
«اگروفيرما تۇركپەن» ج شس- ءى كەلەشەكتە ءسۇت باعىتىنداعى ءمۇيىزدى ءىرى قارا مالىن اكەلىپ، ءسۇت ونىمدەرىن وندەۋدى جانە الداعى ۋاقىتتا ۇساق شارۋاشلىقتاردى ماڭايىنا بىرىكتىرۋدى جوسپارلاپ وتىر.
ايتا كەتەيىك، ايماقتاعى مال بورداقىلاۋ الاڭدارى مەن كەشەندەردىڭ سانى ارتا تۇسۋدە.
بۇگىنگى كۇنى وبلىستا 17998 باسقا ارنالعان بورداقىلاۋ الاڭدارى بار بولسا، ونىڭ 4 950 باسقا ارنالعان بورداقىلاۋ الاڭى 2015 - جىلى قۇرىلىپ، جىلدىق جوسپار %126,9 ورىندالدى.
وتكەن جىلى وسى بورداقىلاۋ الاڭدارىندا 1 531,5 توننا سيىر ەتى ءوندىرىلىپ ولارعا 250,4 ميلليون تەڭگە سۋبسيديا تولەندى. اسىل تۇقىمدى مال رەپرودۋكتورلارىن قۇرۋ ماقساتىندا وبلىسقا سوڭعى ءۇش جىلدا شەت ەلدەن م ءى ق مالىنىڭ 2730 انالىق باسى اكەلىنگەن. جالپى، بۇل جوبالاردى جۇزەگە اسىرۋ وڭىردەگى مال باسىنىڭ ارتۋىنا سەپتىگىن تيگىزەدى.
ەكى اگروكەشەن اعىمداعى جىلدىڭ اياعىنا دەيىن ىسكە قوسىلادى. ونىڭ ىشىندە 3000 باسقا ارنالعان بورداقىلاۋ الاڭى وسى جىلدىڭ جازىندا، 5000 باسقا ارنالعان رەپرودۋكتور- شارۋاشىلىق كۇزگە دەيىن قوسىلۋى جوسپارلانعان. جوبالار ىسكە قوسىلعان جاعدايدا 200 تۇراقتى جۇمىس ورنى اشىلاتىن بولادى.
