وتكەن جىلى قازاقستان قىتايلىق ينۆەستيتسيالار كولەمى جاعىنان ۇزدىك 5 ەلدىڭ قاتارىنا كىردى
بۇل تۋرالى قىتايدىڭ كوممەرتسيا مينيسترلىگىنە سىلتەمە جاساعان «شينحۋا» حابارلاپ وتىر.
«وتكەن جىلى «ءبىر بەلدەۋ، ءبىر جول» ستراتەگياسىن تولىق كولەمدە ىسكە اسىرۋ كەزەڭى باستالدى. ق ح ر كوممەرتسيا مينيسترلىگىنىڭ ستاتيستيكاسى بويىنشا، 2015 - جىلى قىتايلىق كاسىپورىنداردىڭ «ءبىر بەلدەۋ، ءبىر جول» بويىندا ورنالاسقان 49 ەلدەگى ينۆەستيتسيالارى 14,82 ميلليارد دوللاردى قۇراعان، بۇل ءبىر جىل بۇرىنعى كورسەتكىشتەن 18,2 پايىزعا كوپ. نەگىزىنەن ينۆەستيتسيالار سينگاپۋر، قازاقستان، لاوس، ينلونەزيا جانە رەسەيگە باعىتتالدى»، - دەپ جازادى باسىلىم. سونداي- اق بۇل تىزىمگە تايلاند تا كىردى.
ەسكە سالا كەتەيىك، وندىرىستىك قۋاتتىلىقتاردى دامىتۋ كونتەكستىندە قح ر مەملەكەتتىك كەڭەسىنىڭ پرەمەرى لي كىشياڭنىڭ بۇكىل قىتايلىق حالىق وكىلدەرى جينالىسىنىڭ (ب ح ءو ج) اشىلۋىندا ۇكىمەت جۇمىسى تۋرالى وقىعان بايانداماسىندا قازاقستان اتالدى.
