جەر شارىنداعى ەڭ قورقىنىشتى 5 ورىن - فوتو
ول ورىنداردىڭ كەيبىرى تۋريستەر ءۇشىن قولجەتىمدى بولسا، كەيبىرى قاۋىپتىلىككە بايلانىستى جابىق ورىندار قاتارىندا دەپ جازادى moya-planeta.ru. سايتى. سونىمەن الەمدەگى ەڭ قورقىنىشتى 5 ورىنعا مىنالار كىرگەن ەكەن:
ادام قاڭقالارى كولى
بۇل كولدى العاش رەت 1942 -جىلى، اڭشىلار قاۋىمداستىعىنىڭ وكىلدەرى بايقايدى، ءبىراق، تاريحي جازبا بەتتەرىندە وسىناۋ كول جايىنداعى العاشقى جازبا ⅩⅨعاسىردا ايتىلعان. زەرتەۋشىلەر اۋەلدە بۇل قاڭقالار، وسى ءوڭىردى جاۋلاپ الۋعا كەلىپ، ءبىراق، تابيعاتتىڭ دولى مىنەزىمەن كۇرەسە الماي، قىرىلىپ قالعان جاپون اسكەرلەرىنىڭ سۇيەكتەرى دەگەن پىكىرگە توقتالدى. الايدا، ەكىنشى دۇنيە سوعىسى كەزىندە بريتاندىقتار تاراپىنان كەلگەن زەرتتەۋشىلەر، بۇل سۇيەكتەر، جاپون اسكەرلەرىنىڭ قاڭقاسى دەگەن پىكىردى جوققا شىعاردى. سەبەبى، بۇل قاڭقالاردىڭ جاسى ەداۋىر ەرتە كەزەڭگە تيسەلى ەدى.
ال انتروپولوگ عالىمدار بولسا، بۇل سۇيەكتەر ءوزىن- ءوزى ولتىرەتىن ءدىني عۇرىپ ناتيجەسىندە جيناقتالىپ قالعان. ادامدار بەلگىلى ۋاقىت ارالىعىندا وسى اراعا كەلىپ وزدەرىن ءولتىرىپ وتىرعان دەگەن قورتىندىعا كەلەدى. 2004 -جىلى ءۇندىستان مەن ەۆروپالىق عالىمداردان قۇرالعان توپ، «قاڭقالار كولىن» زەرتتەۋگە ەكسپەديتسيا شىعارادى. مايىتتەردىڭ سۇيەگىنە جاسالعان د ن ق قورتىندىسى بويىنشا سۇيەكتەر وتە ەرتە زامانعا تيەسىلى بولىپ شىقتى. تىپتەن، ناقتى مەرزىمى دە انىقتالدى، ب. ە 850 -جىلى. سۇيەكتەردى تولىقتاي زەرتتەۋ بارىسىندا ولاردىڭ، باس سۇيەكتەردىڭ قاتتى تيگەن سوققىدان جارىلعاندىعى انىقتالادى.
قازىرگى كەزدە بۇل ورىن تۋريستەر ءۇشىن اشىق مەكەندەردىڭ ءبىرى.
جىلاندار ارالى 
برازيليانىڭ كەيمادا- گراندي ارالىن ءبىزدىڭ عالامشارىمىزدىڭ ەڭ قاۋىپتى جەرى دەپ تانىلعان. ارالدىڭ قاۋىپتىلىگى ونىڭ اۋماعىن باسىپ العان ۋلى جىلانداردا بولىپ وتىر.
اۋماعى 430 شارشى مەتر ارالدا ءتورت مىڭنان استام جىلان مەكەن ەتۋدە. بۇل رەپتيليالار وتە ۋلى: ءبىر شاققانى تىندەردىڭ ءبىر ساتتە جانسىزدانۋىنا اپارىپ سوقتىرادى، ال ۋى بولسا، دەنەنى كۇيدىرىپ جىبەرەدى.
برازيليانىڭ بيلىگى ارالعا بارۋعا قاتاڭ تىيىم سالدى. تەك ارالدىڭ جاعاسىندا بالىق اۋلاۋعا عانا رۇقسات ەتىلگەن.
ەگەۋقۇيرىقتار شىركەۋى
جۇرتشىلىق ءۇشىن وتە قورقىنىشتى ورىنداردىڭ ءبىرى - ءۇندىستاننىڭ دەشنوك قالاسىندا بەلگىلى قوعام قايراتكەرى كارني ماتانىڭ رۋحىنا ارناپ كوتەرىلگەن ەگەۋقۇيرىقتار شىركەۋى. بۇل جەردە 20000 باستاپ 000 50 مىڭعا دەيىن ەگەۋقۇيرىق تىرشىلىك ەتەدى. بۇل جايدان- جاي قۇبىلىس ەمەس، 1463 -جىلى كارنيدىڭ وگەي بالاسى ارىقتان سۋ ىشپەك بولىپ جاتقاندا كەنەتتەن سۋعا باتىپ قايتىس بولادى. كارني ياما قۇدايدان قايتا ءتىرىلتۋدى سۇرايدى، ياما قۇداي ودان باس تارتىپ، ولارعا بارلىق ەركەك اتاۋلىلارى قۇدايعا ورالمايتىندىقتارىن، ولار ۋاقىتقا ەگەۋقۇيرىق كەيپىندە بولادى، سوسىن ادام بولىپ قايتا ومىرگە كەلەدى دەپ ايتقان ەكەن. سودان بەرى ادامدار ەگەۋقۇيرىقتا ادامدار جانى بار دەپ ەسەپتەيدى.
اتالعان ورىندا ءومىر سۇرەتىن ادامدار ولاردى ولتىرمەيدى، كەرسىنشە ولارعا تاماق بەرىپ قۇرمەت كورسەتەدى. شىركەۋلىك ەگەۋقۇيرىقتاردى ولتىرگەن ءۇشىن قوماقتى ايپپۇل دا قاراستىرىلىپ قويعان.
توزاق قاقپاسى
تۇركىمەنستان - تانىمال تۋريستىك ايماق ەمەس. ءبىراق، بىرنەشە جىلدان بەرى ەلگە الەمنىڭ ءتۇرلى مەملەكەتتەرىنەن كەلۋشىلەر اعىلىپ جاتقان ءبىر ورىن بار.
ول - جەرگىلىكتى حالىق «توزاق قاقپاسى» دەپ اتاپ كەتكەن ەربەنت اۋىلىنان 90 شاقىرىم قاشىقتىقتاعى وتتى جالىن شاشىپ جاتقان كراتەر.
شوعىرلانعان جەراستى گازىن 1971 -جىلى قازۋ جانە بۇرعىلاۋ جۇمىستارى كەزىندە كەڭەس گەولوگتارى تاپقان. زەرتتەۋشىلەردىڭ بۇرعىلاۋ مۇناراسى مەن باسقا دا قۇرىلعىلارى پايدا بولعان شۇڭقىرعا ءتۇسىپ كەتەدى. ايماق تۇرعىندارى جانە مالعا زيانى تيمەۋ ءۇشىن گەولوگتار گازدى جاعىپ جىبەرۋ تۋرالى شەشىمگە كەلەدى. ءورت بىرنەشە كۇننەن كەيىن سونەدى دەپ بولجام جاساعان. الايدا، كراتەردەن شىققان گاز جالىنى 1971 -جىلدان بەرى وشكەن ەمەس.
قۋىرشاقتار ارالى
شامامەن 60 جىل بۇرىن ساچيميلكو كانالىندا ورنالاسقان ارالدا دجۋليان سانتانا باررەرانىڭ كوز الدىندا كىشكەنتاي قىز سۋعا باتىپ ولگەن. وقيعا ورنىنان جىگىت ەسكى قۋىرشاق تاۋىپ الىپ، ونى تالعا ءىلىپ كەتكەن ەكەن. ءبىراق وقيعانى ءوز كوزىمەن كورگەن مەكسيكالىق قاتتى مازاسىزدانىپ، قوقىسقا لاقتىرىلعان ەسكى قۋىرشاقتاردى ارالعا اپارىپ، تالدارعا ءىلىپ كەتىپ جۇرگەن. الايدا از ۋاقىت وتكەن سوڭ دجۋليان وتباسىن تاستاپ سول ارالعا كوشىپ بارعان. سول جەردەن ءۇي سالىپ، باقشا ءوسىرىپ، ۋاقىتىن تالدارعا قۋىرشاق ىلۋمەن وتكىزگەن.
1990-جىلداردا جەرگىلىكتى بيلىك كانالداردى تازارتقان كەزدە عانا كورگەن. كوپتەگەن جۇمىسشى ءىلىنىپ تۇرعان قۋىرشاقتاردى ولىكتەر دەپ ويلاپتى. جاقىنداپ بارعاندا عانا قۋىرشاق ەكەنىنە كوزدەرى جەتكەن. قازىرگى كەزدە دجۋليان سانتاناعا كەلۋشىلەر، قۋىرشاقتار ارالىن ءوز كوزىمەن كورگىسى كەلەتىندەر دە كوپ.
2001 -جىلى ءدال سول جەردە دجۋليان سانتانا باررەرا دا سۋعا باتىپ ولگەن ەكەن.
