21:43, 03 - قاراشا 2015 | GMT +5
قازاقستان مەن ۇلى بريتانيا ىسكەرلىك توبى 5 ميلليارد دوللاردىڭ كەلىسىمشارتى مەن مەموراندۋمىنا قول قويدى
لوندون. قازاقپارات - قازاقستان مەن ۇلى بريتانيا ىسكەرلىك توبى اراسىندا 5 ميلليارد دوللاردى قۇرايتىن كەلىسىمشارتتار مەن مەموراندۋمدار جاسالدى.
بۇل تۋرالى ق ر پرەزيدەنتى نۇرسۇلتان نازاربايەۆ قازاقستان-بريتان ۇكىمەت ارالىق كوميسسياسى وتىرىسى قورىتىندىسى بويىنشا جۋرناليستەرگە بەرگەن سۇحباتىندا ايتتى، دەپ حابارلايدى «قازاقپارات» ءتىلشىسى.
«ءبىزدىڭ بيزنەسمەندەر قۇنى 5 ميلليارد دوللار بولاتىن مەموراندۋمدار مەن كەلىسىمشارتتاردى بەكىتتى»، - دەدى ن. نازاربايەۆ.
مەملەكەت باسشىسى ۇلى بريتانيانىڭ بيزنەسمەندەرى قاراجاتتى قازاقستاننىڭ شيكىزاتتىق ەمەس سالاسىنا، نەگىزىنەن اگرارلىق، مەديتسينالىق پرەپاراتتار، ماشينا جاساۋ، ينفراقۇرىلىم، ت.ب. سالۋدى جوسپارلاپ وتىرعانىن ناقتىلاپ ءوتتى
