07:45, 11 - تامىز 2015 | GMT +5
اتىراۋ وبلىسىندا ەر ادامدى ۇرىپ- سوققان پوليتسيا قىزمەتكەرى 5 جىلعا سوتتالدى
اتىراۋ. قازاقپارات - جىلىوي اۋداندىق سوتىندا ازامات س. -قا قاتىستى قىلمىستىق ءىس قارالدى، دەپ حابارلايدى وبلىستىق سوتتىڭ باسپا ءسوز قىزمەتىنەن.
«سوتتا دالەلدەنگەندەي، سوتتالۋشى س. اۋداندىق ىشكى ىستەر ءبولىمى ۋچاسكەلىك ينسپەكتورىنىڭ كومەكشىسى مىندەتىن اتقارا ءجۇرىپ، ءوزىنىڭ لاۋازىمدىق وكىلەتتىگىن اسىرا پايدالانىپ، قۇلسارى قالاسىنىڭ تۇرعىنىنا كۇش قولدانۋ ارقىلى دەنە جاراقاتتارىن سالعان.
سوت ۇكىمىمەن سوتتالۋشى س. قازاقستان رەسپۋبليكاسىنىڭ قىلمىستىق كودەكستىڭ 308-بابىنىڭ 4-بولىگىنىڭ «ا» تارماعىمەن كىنالى دەپ تانىلدى.
وسى باپ بويىنشا ونىڭ مۇلكى تاركىلەنىپ، 5 جىلعا باس بوستاندىعىنان جانە 5 جىلعا قۇقىق قورعاۋ ورگاندارىندا قىزمەتپەن اينالىسۋ قۇقىعىنان ايىرۋ جازاسى تاعايىندالدى»، دەلىنگەن حابارلامادا.
ۇكىم زاڭدى كۇشىنە ەنگەن جوق.
