ق ر پرەزيدەنتىنىڭ قاتىسۋىمەن الەمدىك جانە ءداستۇرلى دىندەر ليدەرلەرىنىڭ 5 -سەزىنىڭ ەكىنشى وتىرىسى باستالدى
فورۋمنىڭ باستى تاقىرىبى «ءدىني جانە ساياسي كوشباسشىلاردىڭ بەيبىتشىلىك پەن دامۋ جولىنداعى سۇحباتى» بولماق.
ايتا كەتەيىك، ەكى كۇنگە جالعاساتىن كەلەلى كەڭەس جۇمىسىنا 42 ەلدەن كەلگەن 80 نەن استام دەلەگاتسيا قاتىسۋدا. ەلباسىنىڭ باستاماسىمەن قولعا الىنعان الەمدىك جانە ءداستۇرلى ءدىن ليدەرلەرىنىڭ العاشقى سەزى 2003 -جىلى وتكەن بولاتىن. سودان بەرى ءار 3 جىلدا ءبىر رەت تۇراقتى تۇردە ۇيىمداستىرىلىپ كەلەدى.
فورۋمدا العاشقى ءسوز يوردانيا كورولى ابداللا II ءسوز بەرىلدى.
«پرەزيدەنت مىرزا. مەنىڭ باۋىرىم. بارشا الەم ابىرويمەن قاراپ وتىرعان اتالعان الەمدىك جانە ءداستۇرلى دىندەر كوشباسشىلارى سەزىنە شاقىرعاندارىڭىزعا راحمەت ايتامىن. قازاقستان بۇگىندە باتىس پەن شىعىستى بايلانىستىرۋشى ەل رەتىندە، جوعارى جەتىستىكتەر مەملەكەتى بولىپ تانىلىپ ۇلگەردى. بۇكىل جاھاننىڭ نازارىن ەتنيكاارالىق ماسەلەگە بولگەنىڭىز ءۇشىن دە ۇلكەن العىس ايتۋعا رۇقسات ەتىڭىز. بۇگىن بۇل شارا ءبىز ءۇشىن قاجەت»، - دەپ اتاپ ءوتتى ابداللا II.