16:23, 12 - مامىر 2015 | GMT +5
ەلوردادا 5 مىڭنان استام مەدبيكە جۇمىس ىستەيدى
استانا. قازاقپارات - استانا قالاسى دەنساۋلىق ساقتاۋ باسقارماسىنىڭ مالىمەتىنشە، قازىرگى تاڭدا ەلوردادا 14 ەمحانا، 14 اۋرۋحانا بار جانە ول مەكەمەلەردە 5 مىڭنان استام مەدبيكە جۇمىس ىستەيدى.
بۇل تۋرالى استانا قالاسىنىڭ رەسمي سايتى حابارلادى.
مەدبيكەلەردىڭ بىلىكتىلىگىن ارتتىرۋ ماقساتىندا استانادا جوعارى دەڭگەيلى شەتەلدىك مامانداردى شاقىرتۋ ارقىلى تاجىريبەلىك كۋرستار وتكىزىلەدى.
بۇل وتاندىق مەديتسينا قىزمەتكەرلەرىنە الەمنىڭ بىرەگەي دە جاڭا تەحنولوگيالارى بويىنشا جۇمىس ىستەيتىن مامانداردان تاجىريبە الۋعا كومەكتەسەدى. اتالمىش شارالاردىڭ بارلىعى ەلوردا حالقىنا ساپالى مەديتسينالىق قىزمەت كورسەتۋگە باعىتتالعان.
ەسكە سالا كەتەيىك، بۇگىن - حالىقارالىق مەدبيكە كۇنى. ول جىل سايىن اتاقتى اعىلشىن قايراتكەرى فلورەنس نايتينگەيل تۋىلعان كۇنى اتالىپ وتىلەدى. نايتينگەيل قىرىم سوعىسى (1853-1856) جىلدارىندا ءوز ەركىمەن مايدان شەبىندە مەدبيكەلەر قىزمەتىن ۇيىمداستىرىپ، اسكەر ساربازدارىنا ساپالى مەديتسينا قىزمەتىن كورسەتۋ ءۇشىن كۇرەسكەن بولاتىن.
