ەلباسى قازاقستان الدىنداعى 5 سىن-قاتەردى اتادى
«بارلىق جاۋاپكەرشىلىكپەن ۇلتتى ەسكەرتكىم كەلەدى: ءبىزدىڭ ودان ءارى دامۋىمىزعا 5 جاڭا سىرتقى سىن قاتەر ءقاۋىپ ءتوندىرۋىن جالعاستىرۋدا. ءبىرىنشىسى، بۇل الەمدىك تارتىپتەگى داعدارىس، جالپى ايقىنسىزدىقتىڭ ءورشۋى. قاۋىپسىزدىكتىڭ الەمدىك جۇيەسى جاڭا ۇلگىدەگى جانجالدارمەن مىعىمدىلىعىن سىناۋ ۇستىندە. الەمدىك ارەنادا ەكسترەميزم مەن زورلىق-زومبىلىقتى پايدالاناتىن جاڭا جۇيەسىز ويىنشىلار پايدا بولۋدا»، - دەدى ق ر پرەزيدەنتى.
ەلباسى ءوز سوزىندە ەكىنشى سىن- قاتەر رەتىندە الەمدىك ەكونوميكاداعى تۋربۋلەنتتىلىكتىڭ جالعاسۋىن، سانكتسيالىق، ۆاليۋتالىق جانە ساۋدا قاقتىعىستارىن اتادى. ال مۇنىڭ بارلىعى الەمنىڭ بارلىق ەلدەرىندە پروبلەما تۋىنداتۋدا.
«ءۇشىنشى، بۇگىندە كليماتتىڭ وزگەرۋ پروتسەسىنىڭ توسىن سالدارى ورىن الۋدا، بارلىق الەمدە ءتۇرلى كاتاكليزمدەرگە اكەلۋدە. ءتورتىنشى، ورتالىق ازيا، ياعني، ءبىزدىڭ ءوڭىرىمىز الەمدىك جارىقشاقتاردىڭ جاڭا جەلىسىنە تاپ بولۋى مۇمكىن. بۇل دا بارشا وڭىرگە سىن- قاتەر بولادى»، - دەدى ەلباسى. سونىمەن قاتار ق ر پرەزيدەنتى بەسىنشى سىن- قاتەر رەتىندە جاھاندىق تارتىپتەگى داعدارىستى، الەمدىك ەكونوميكاداعى تۇراقسىزدىقتى اتادى.
اۆتور: مارلان جيەمباي
