حالىقتىق 5 رەفورمانى تابىستى جۇزەگە اسىرىپ، بولاشاعى ءبىرتۇتاس ەلگە اينالامىز - ن. نازاربايەۆ
بۇل تۋرالى اقوردانىڭ تۆيتتەردەگى پاراقشاسىندا حابارلانعان.
«ءبىز ۇرپاققا كوركەيگەن ەلدى، نىعايعان بىرلىكتى، مىزعىماس تۇراقتىلىق پەن ەسەلەنگەن بايلىقتى ميراس ەتەمىز، دامۋدىڭ داڭعىلىنا تىڭ قارقىنمەن اياق باسامىز. حالىقتىق 5 رەفورمانى» تابىستى جۇزەگە اسىرىپ، بولاشاعى ءبىرتۇتاس ەلگە اينالامىز»، - دەدى ەلباسى.
سونداي-اق، ءبىلىم بەرۋ مەن دەنساۋلىق ساقتاۋ ە ا ە و ەلدەرىنىڭ ستاندارتتارىنا ساي داميدى - دەدى ەلباسى.
ءبىلىم بەرۋ مەن دەنساۋلىق ساقتاۋ ەۋرازيالىق ەكونوميكالىق وداق ەلدەرىنىڭ ستاندارتتارىنا ساي نەگىزدەلەدى. بۇل تۋرالى بۇگىن ۇلىقتاۋ راسىمىندە ق ر پرەزيدەنتى نۇرسۇلتان نازاربايەۆ ءمالىم ەتتى.
- بۇگىندە بارشا ەل «قازاقستاندىق ەكونوميكالىق عاجايىپ» جونىندە ايتۋدا. شىنىمەن، ءبىز قىسقا ۋاقىتتىڭ ىشىندە تاڭقالارلىق ناتيجەلەرگە قول جەتكىزدىك. كەيبىر مەملەكەتتەرگە مۇنداي دامۋعا 100 جىل كەرەك بولعان بولسا، ءبىز ونى تاۋەلسىزدىك جىلدارى اتقارا الدىق.
قازاقستان ءبىزدىڭ ايماقتىڭ ەكونوميكالىق كوشباسشىسى. ءبىراق توقتاپ قالۋعا بولمايدى. بىلىمگە نەگىزدەلگەن جاڭعىرتۋ رەفورمالارى ءبىزدىڭ ەكونوميكانى الدىڭعى قاتارلى ەتەدى. ونىڭ باستى ماقساتى - قازاقستاندىقتاردىڭ ءومىرىن جاقسارتۋ. بۇل - ورتا تاپ وكىلدەرىن كوبەيتۋ ءۇشىن اسا ماڭىزدى، - دەپ اتاپ ءوتتى پرەزيدەنت.
ونىڭ ايتۋىنشا، بۇدان بىلاي ەكونوميكالىق ءوسىم يندۋستريالاندىرۋ ماقساتتارىنا ساي دامىپ، ە ا ە و اياسىندا يكەمدەلەتىن بولادى.
«يندۋستريالاندىرۋعا نەگىزدەلگەن ەكونوميكالىق ءوسىم ءۇشىن تۇبەگەيلىك قۇرىلىمدىق رەفورمالاردى وتكىزەمىز. ءبىلىم بەرۋ مەن دەنساۋلىق ساقتاۋ ەۋرازيالىق ەكونوميكالىق وداق ەلدەرىنىڭ ستاندارتتارىنا ساي داميتىن بولادى»، - دەدى ەلباسى.
