بيىل استانانىڭ يندۋستريالدى پاركىندە 5 جوبانى ىسكە قوسۋ كوزدەلگەن

استانا. قازاقپارات - ەلباسى نۇرسۇلتان نازاربايەۆ «نۇرلى جول - بولاشاققا باستار جول» اتتى قازاقستان حالقىنا جولداۋىندا ەلىمىزدى ودان ءارى دامىتۋ يندۋستريالدىق جوبالاردى ىسكە اسىرۋعا نەگىزدەلەتىنىن باسا ايتقان بولاتىن.

بۇنداي جوبالار وتاندىق ەكونوميكاعا قارقىن بەرىپ قانا قويماي، جاڭا ينۆەستورلاردى تارتۋعا كومەكتەسەدى. استانادا ونەركاسىپتى دامىتۋ جانە ينۆەستيتسيالىق تارتىمدىلىقتى ارتتىرۋ ءۇشىن «استانا - جاڭا قالا» ارنايى ەكونوميكالىق ايماعى جۇمىس ىستەيدى.

 استانا قالاسىنىڭ ارنايى ەكونوميكالىق ايماق اكىمشىلەندىرۋ باسقارماسىنىڭ حابارلاۋىنشا، №1 يندۋستريالدى پاركتە قۇنى 20 ميلليارد تەڭگەنى قۇرايتىن 5 جوبانى تاپسىرۋ جوسپارلانعان. ديزەلدى قوزعالتقىشتار ءوندىرۋ زاۋىتى، جىلدام پىسەتىن تاماق ونىمدەرى كومبيناتى، ۋاقىتشا ساقتاۋ قويمالارى مەن بيزنەس- ورتالىق، جيھاز فابريكاسىن سالۋ، سونىمەن قاتار، اسكەري جانە ازاماتتىق تەحنيكا ءوندىرۋ كوزدەلگەن.

بولجام بويىنشا، قولدانىستاعى كاسىپورىنداردا ءونىم شىعارۋ كولەمى 140 ميلليارد تەڭگەنى قۇراپ، جۇمىس ورىندارىنىڭ سانى 2300 ادامعا دەيىن ارتادى.

سونىمەن قاتار، بيىل مەملەكەتتىك ساراپتاما قورىتىندىسىمەن ت ە ن جوباسى ازىرلەنگەننەن سوڭ، جوبالىق- سمەتالىق قۇجاتتامالاردى ازىرلەۋ جانە №2 يندۋستريالدى پاركتىڭ ينفراقۇرىلىمدىق قۇرىلىسى باستالادى، دەپ حابارلايدى ەلوردا اكىمدىگىنىڭ سايتىندا.