الماتى ماڭىنان ساق داۋىرىنە جاتاتىن 5 مىڭ جادىگەر تابىلدى

استانا. قازاقپارات - الماتى شاھارى تاعى جاڭا جادىگەرلەرمەن تولىقتى.

سوناۋ ساق زامانىنان اقپار بەرەتىن ۇلت قۇندىلىعى «مەدەۋ» شاتقالى ماڭىنان تابىلعان. ازىرگە زەرتتەۋشىلەر ءبىر عيباداتحانا مەن 5 مىڭعا جۋىق جادىگەردى انىقتاعان.

بۇل ءبىزدىڭ ەرامىزعا دەيىنگى IV عاسىردا سالىنعان عيباتاحانانىڭ ورنى. بىرنەشە قوسالقى بولەمەلەرى بار تاريحي ورىننان قازىردىڭ وزىندە 5 مىڭعا جۋىق جادىگەر تابىلىپ وتىر.

200 شارشى مەتر جەردە قارۋ-جاراق، ىدىس-اياق پەن ەگىن جانە مال شارۋاشىلىعىنداعى پايدالاعان قۇرال-سايماندار ساقتالعان.

ءبىر قىزىعى، عيباداتحانا ماڭايىندا قاساپشى بولمەسى دە بولىپتى. وعان مالدىڭ سۇيەكتەرى مەن قورعاسىن قۇيىلعان اسىقتار دالەل. ءتىپتى، مىنا قولونەر شەبەرلىگى ءۇشىن پايدالانىلعان قۇرالدىڭ سابى ادام سۇيەگىنەن جاسالعان. قۇندى دۇنيەنى العاش تاپقان ارحەولوگ رۋسلان شەربايەۆ، مەدەۋ شاتقالىنداعى جەرلەر، ءالى دە ساقتار جايلى اقپاراتتى تولىقتىرا تۇسەتىنىنە كامىل سەنەدى.

 «ساقتاردى كوشپەلى حالىق دەپ ايتاتىن بارلىق جەردە. ءبىز وسى تابىلعان زاتتارعا قاراپ ساقتاردىڭ كوشپەلى جانە وتىرىقشى حالىقتارى بولعانىن ايتا الامىز. وسى ماڭعا جەردە ەگىن ەككەن. سونداي- اق زەرتتەۋ ورنىنان تاستان، تەمىردەن جاسالعان قارۋ-جاراقتار، قۇيما فورمالاردان دا زاتتار شىعىپ جاتىر»، - ارحەولوگ رۋسلان شەربايەۆ.

رۋسلان قۇدايبەرگەن ۇلى تابىلعان مۇرانى اۋەلى التىن ادامدى تاپقان تاريحشى بەكەن نۇرمۇحانبەتوۆكە كورسەتۋدى ءجون ساناعان. 60 جىلدان استام ۋاقىت ارحەولوگ بولىپ جۇرگەن اقساقال بىردەن، جادىرگەرلەر ساق تايپاسىنا تيەسىلى ەكەندىگىن راستاعان. ەندىگى قادام ۇكىمەتتە. ويتكەنى، جەر استىنان تابىلىپ جاتقان جادىگەرلەر ازىرگە عىلىمي زەرتتەۋ بەتتەرىندە عانا.

«مەنىڭ ەندىگى وكىنىشىم، وسىنداي عاجاپ دۇنيە وسىمەنەن بىتە مە؟ بۇل جەردى زاڭدى تۇردە قورعاۋ اۋماعىن اشىپ، مەملكەتتىڭ قاراۋىنا الۋ كەرەك. مادەني مۇرا دەپ بەگىلەنسە، ارى قارايعى ناتيجە بەلگىلى عوي. بۇل شەنەۋنىك مىرزالاردىڭ ءبىر اپتالىق جۇمىسى»، - دەدى «ەسىك» مادەني- تاريحي قورىق مۇراجايىنىڭ اعا عىلىمي قىزمەتكەرى بەكەن نۇرمۇحانبەتوۆ.

ارحەولوگتار بۇل ىزدەنىسپەن شەكتەلىپ قالمايتىندىقتارىن العا تارتتى. «ءتىپتى، الماتىنىڭ تورىندە ساقتاردىڭ قالاشىعى بولعاندىعى دا دالەدەنەتىن كۇن جاقىن»، - دەيدى. ال 2017 -جىلى ەلوردادا وتەتىن «ەكسپو حالىقارالىق» كورمەسىندە بۇل جادىگەردىڭ ورنى الاتىنى ءسوزسىز.

«الماتى» تەلەارناسى