15:51, 30 - قىركۇيەك 2014 | GMT +5
قازاق بوكسشىسى جاينا الەمنىڭ 5 دۇركىن چەمپيونىمەن ازيادا التىنىنا تالاسادى
استانا. قازاقپارات - وڭتۇستىك كورەيانىڭ ينچحون قالاسىندا ءوتىپ جاتقان 17 - ازيا ويىندارىندا بوكسشى جاينا شەكەربەكوۆا اقتىق سىنعا جولداما الدى.
بۇل تۋرالى ق ر بوكس فەدەراتسياسىنىڭ باسپا ءسوز قىزمەتىنەن حابارلادى.
51 كەلى سالماق ساناتىندا جارىس جولىنا شىققان سپورتشىمىز جارتىلاي فينالدا موڭعوليانىڭ بىلعارى قولعاپ شەبەرى ناندينتتسەتتسەگ مياگماردۋلامدى 3:0 ەسەبىمەن قاپى قالدىرعان بولاتىن.
ج. شەكەربەكوۆانىڭ ەرتەڭ وتەتىن فينالدىق كەزدەسۋى قيىن بولاتىن ءتۇرى بار. ويتكەنى، ءدال وسى سالماق ساناتىندا اقتىق سىنعا الەمنىڭ 5 دۇركىن چەمپيونى ءۇندىستاندىق مەري كوم دا شىعىپ وتىر. ول جارتىلاي فينالدا ۆەتنامدىق بانگ لەدەن باسىم تۇسكەن ەدى.
اۆتور: مارلان جيەمباي
