جاپونيادا اپتاپ ىستىق سالدارىنان 596 ادام اۋرۋحاناعا ءتۇستى

استانا. قازاقپارات - جاپونيادا سوڭعى ەكى اپتادا ىستىق سالدارىنان 596 ادام اۋرۋحاناعا جاتقىزىلدى، ءبىر ادام كوز جۇمدى.

بۇل تۋرالى ت ج م مەن جەدەل جاردەم قىزمەتىن ورىندايتىن ەلدىڭ باس ءورت باسقارماسى حابارلادى، دەپ مالىمدەدى ت ا س س.

ۆەدومستۆونىڭ دەرەكتەرى بويىنشا ىستىقتان زارداپ شەككەندەردىڭ 40 پايىزى ەگدە ادامدار.

ءساۋىردىڭ سوڭىندا - مامىردىڭ باسىندا جاپونيانىڭ باسىم بولىگىندە ىستىق اۋا رايى تىركەلدى. تەرمومەتر باعانى 30 گرادۋسقا دەيىن كوتەرىلدى. جاپوندىق مەتەورولوگتار بيىل تىنىق مۇحيتىندا ەل-نينو جانە لا-نينيا كليماتتىق فەنومەندەردىڭ ىقپالىنان جاز ىستىق بولادى دەپ بولجايدى.

وتكەن جىلى جاپونيادا اپتاپ ىستىق سالدارىنان 100 دەن استام ادام اجال قۇشىپ، 53 ادام اۋرۋحاناعا جاتقىزىلعان.