قازاقستاندا 589 پوليتسيا قىزمەتكەرى كوروناۆيرۋس جۇقتىرعان
«ءيا، شىنىمەن دە، بۇگىنگى كۇنى تاۋەكەل توبىنا دەنساۋلىق ساقتاۋ مينيسترلىگىمەن قاتار ىشكى ىستەر مينيسترلىگىنىڭ قىزمەتكەرلەرى دە كىرىپ وتىر. ويتكەنى بلوكپوستاردا شامامەن 7 مىڭ قىزمەتكەر تاۋلىك بويى قىزمەت ەتتى. بۇعان قوسا، ادامدار كوپ جينالاتىن جەرلەردە دە جاياۋ شولعىنداۋ جۇرگىزىلىپ، تىكەلەي بايلانىس بولدى. سوندىقتان ءبىز دە تاۋەكەل توبىنا ەندىك. پوليتسيا قىزمەتكەرلەرى اراسىنان ىشكى ىستەر ورگانىنىڭ 589 قىزمەتكەرى كوروناۆيرۋس جۇقتىرعانى انىقتالىپ، ناقتىلاندى. ونىڭ 419-ى جازىلىپ شىقتى. 170- ءى ءالى دە كارانتيندە ەم الىپ جاتىر»، - دەدى ەرلان تۇرعىمبايەۆ ورتالىق كوممۋنكاتسيالار قىزمەتىندە وتكەن بريفينگىدە ب ا ق وكىلدەرىنىڭ ساۋالىنا وراي.
سونىمەن قاتار مينيستر ىشكى ىستەر ورگاندارى، قىلمىستىق اتقارۋ جۇيەسى قىزمەتكەرلەرى جانە ۇلتتىق ۇلان اسكەري قىزمەتشىلەرى اراسىندا كوروناۆيرۋس ينفەكسياسىنان قايتىس بولعانداردىڭ جوق ەكەندىگىن باسا ايتتى.
اۆتور: مارلان جيەمباي
