سەمەيدىڭ ەسكى كوپىرى 57 جىلدان كەيىن جوندەلمەك
«كوپىر 2013 -جىلى رەسمي تۇردە «اپاتتى جاعدايداعى نىسان» دەپ تانىلعان. بىرنەشە جىل ەگجەي- تەگجەي تەكسەرۋگە قارجى بولماعاندىقتان، سىرت كوزبەن عانا باقىلاپ شىعۋعا تۋرا كەلگەن. ەندى بيىل جوندەۋ جۇمىستارى جۇرگىزىلەدى دەپ جوسپارلانۋدا»، - دەدى سەمەي قالالىق جولاۋشىلار تاسىمالى جانە اۆتوكولىك جولدارى ءبولىمى جەتەكشىسىنىڭ ورىنباسارى نۇرلان سەرعازينوۆ.
ونىڭ ايتۋىنشا، الدىمەن نىسان تىڭعىلىقتى تەكسەرىلەدى. ناۋرىزدا الماتىلىق مامانداندىرىلعان فيرما نىساندى تەحنيكالىق ساراپتامادان وتكىزۋ جۇمىستارىن قولعا الادى. سونىڭ ناتيجەسىندە، كوپىر قالىپقا كەلتىرىلەدى نەمەسە كۇردەلى جوندەۋ جۇمىستارى باستالادى.
اپاتتى دەپ تانىلعان كوپىردە كولىك قوزعالىسى ءبىر ساتكە توقتاعان ەمەس. ويتكەنى، ەرتىس وزەنىنىڭ ۇستىنەن وتەتىن كوپىر قالانىڭ ەكى جاعالاۋىن بايلانىستىرىپ تۇر. «ەگەر بۇرىن كوپىرگە تۇسەتىن سالماق 25-35 توننا بولسا، قازىر 10 تونناعا دەيىن شەكتەلدى. جۇك كولىكتەرىنىڭ ءجۇرۋىن ازايتتىق، ءتيىستى جول بەلگىلەرىن ورناتتىق، جول تاڭبالارىن سالۋ ءادىسى ارقىلى جۇكتەمەنى قىسقارتتىق جانە اۆتوكولىكتەر قوزعالىسىن ەكى باعىتتا دا ءبىر قاتارعا كەلتىردىك»، - دەيدى نۇرلان سەرعازينوۆ.
تەكسەرۋ بارىسىندا ەسكى قۇجاتتار دا ەسكەرىلەدى. تەحنيكالىق ساراپتاما ءۇشىن، بيۋدجەتتەن 9 ميلليون تەڭگە بولىنگەن. ەگجەي-تەگجەي ەسەپتى ماماندار قىركۇيەكتە دايىنداپ بەرۋلەرى قاجەت.
شىنار عالىمبەك قىزى
