مەحيكو مەتروسىندا ديماشتىڭ بەينەكليپتەرى 576 ەكراندا كورسەتىلۋدە

نۇر-سۇلتان. قازاقپارات - 6-قىركۇيەك كۇنى مەحيكوداعى مەترونىڭ مەديافاسادتارىندا ديماش قۇدايبەرگەننىڭ Fly Away انىنە تۇسىرىلگەن ۆيدەوسى جاريالاندى.

روليك اپتا بويى ساعات سايىن 576 ەكراندا كورسەتىلەدى، دەپ حابارلايدى dimashnews.com سايتى.

ديماشتىڭ مەكسيكاداعى فان- كلۋبىنىڭ ارقاسىندا بەينەروليكتەر كورسەتىلدى. Dears ەڭ تانىمال تەلەديدارلىق جەلىلەردىڭ ءبىرى - مەحيكو قالاسىنداعى مەترودا مۋزىكالىق بەينەكليپتەر مەن مادەني جاڭالىقتاردى ورنالاستىرۋمەن اينالىساتىن Isa TV- گە حابار تاراتۋ تۋرالى ءوتىنىش جىبەردى.

ترانسلياتسيانىڭ ءوتۋى ءۇشىن Dears Isa TV رەسمي Instagram-اككاۋنتىنداعى پوستتىڭ استىنا 2000 لايك جيناۋ كەرەك بولدى، ديماش شىعارماشىلىعىنىڭ جانكۇيەرلەرى وعان نەبارى ەكى كۇننىڭ ىشىندە قول جەتكىزدى.

وسىلايشا، 6-قىركۇيەكتە مەكسيكا استاناعاسىنداعى مەترونىڭ 70 ستانسياسىندا ديماشتىڭ Fly Away انىنە تۇسىرىلگەن ۆيدەوسى كورسەتىلدى. مەترو - قالانىڭ نەگىزگى كولىك قۇرالدارىنىڭ ءبىرى، سوندىقتان بەينەنى 3 ميلليونعا جۋىق ادام كورەدى.