كوروناۆيرۋس: 576 ادام قانداي ىلەسپە اۋرۋلاردان كوز جۇمعان
«ەلىمىزدە 576 ادام كوروناۆيرۋس ينفەكسياسىنا شالدىعىپ، ىلەسپە دياگنوزدان قايتىس بولعان. ك ۆ ي ناۋقاستارىندا ەڭ ءجيى كەزدەسەتىن ىلەسپە پاتولوگيا - تىنىس الۋ ورگاندارىنىڭ اۋرۋلارى، ياعني 52,4 پايىز. قان اينالىمى جۇيەسى اۋرۋلارىنان 29 پايىز، ىسىكتەردەن - 4 پايىز ادام قايتىس بولعان جانە قالعان 14,6 پايىزى باسقا پاتولوگيالاردان كوز جۇمدى»، - دەدى باعدات قوجاحمەتوۆ ورتالىق كوممۋنيكاتسيالار قىزمەتىندە وتكەن بريفينگتە.
ايتا كەتەيىك، 11 - قىركۇيەكتەگى مالىمەت بويىنشا ەلىمىزدە COVID-19-عا شالدىققانداردىڭ جالپى سانى 106661-گە جەتتى. ونىڭ ىشىندە جازىلىپ شىعۋ كورسەتكىشى 94,1 پايىزدى قۇرادى نەمەسە 100409 ادامعا جەتتى. سوڭعى ءبىر تاۋلىكتە شىمكەنت قالاسىندا كوروناۆيرۋس ينفەكتسياسىنىڭ بىردە- ءبىر وقيعاسى تىركەلگەن جوق. قازاقستاندا كوروناۆيرۋستىڭ جاڭا تولقىنىنا دايىندىق قىزۋ ءجۇرىپ جاتىر. سونداي- اق ب. قوجاحمەتوۆ دەمالىس كۇندەرگى كارانتيندىك شەكتەۋلەر قانداي جاعدايدا الىناتىنىن ءتۇسىندىردى.
اۆتور: ايجان سەرىكجان قىزى
