يرانداعى تابيعات اپاتىنان 56 ادام كوز جۇمدى

تەگەران. يرنا - قازاقپارات - يرانداعى سۋ تاسقىنىنان قازا تاپقاندار سانى 56 ادامعا جەتتى.

بۇل تۋرالى قازاقپارات ي ر ن ا- عا سىلتەمە جاساپ حابارلايدى. «سۋ تاسقىنىنان مەرت بولعاندار سانى 56 ادامعا جەتتى»، - دەدى يران قىزىل جارتى اي قۇتقارۋ جانە كومەك كورسەتۋ قىزمەتىنىڭ باسشىسى مەحدي ۆەليپۋر. ىزدەۋ-قۇتقارۋ جۇمىستارى ءجۇرىپ جاتىر.

«وكىنىشكە قاراي، ءبىزدىڭ 18 ازاماتىمىز جوعالعاندار تىزىمىندە. ءبىزدىڭ كوماندا سۋ تاسقىنى بولعان جەردە ىزدەۋ- قۇتقارۋ جۇمىستارىن جالعاستىرىپ جاتىر. قازىرگى ۋاقىتتا 3700 ادامدى ۋاقىتشا باسپانامەن قامتىدىق. ءبىزدىڭ كوماندا 2500 ادامدى قۇتقارىپ، ولاردى قاۋىپسىز اۋدانعا كوشىردى»، - دەدى ۆەليپۋر.