14:42, 15 - ناۋرىز 2015 | GMT +5
ن. نازاربايەۆتىڭ كانديداتۋراسىن قولداپ 560 مىڭنان استام قول جينالدى - ق ر و س ك
استانا. قازاقپارات - نۇرسۇلتان نازاربايەۆتىڭ كانديداتۋراسىن قولداپ 560 مىڭنان استام قول جينالدى. بۇل تۋرالى بۇگىن ق ر ورتالىق سايلاۋ كوميسسياسىنىڭ وتىرىسىندا اتالعان كوميسسيا حاتشىسى باقىت مەلدەشيەۆ ءمالىم ەتتى.
«نۇرسۇلتان ءابىش ۇلى نازاربايەۆتىڭ كانديداتۋراسىن قولداپ ەلدىڭ 16 ءوڭىرىنىڭ بارلىعىنا وكىلدىك ەتەتىن سايلاۋشىلاردىڭ 560523 ىنىڭ راستالعان قولى جينالدى»، - دەدى ب. مەلدەشيەۆ.
ايتا كەتەيىك، بۇگىن ورتالىق سايلاۋ كوميسسياسى نۇرسۇلتان ءابىش ۇلى نازاربايەۆتى قازاقستان رەسپۋبليكاسىنىڭ پرەزيدەنتتىگىنە كانديدات رەتىندە تىركەۋ جانە كانديداتتىڭ كۋالىگىن بەرۋ تۋرالى قاۋلى قابىلداعان بولاتىن.
اۆتور: مارلان جيەمباي
