09:21, 15 - اقپان 2023 | GMT +6
قازاقستان تۇركياعا 55 توننا گۋمانيتارلىق كومەك جىبەرەدى – ق ر ۇكىمەتى
استانا. قازاقپارات - مەملەكەت باسشىسى قاسىم- جومارت توقايەۆتىڭ تاپسىرماسىنا سايكەس قازاقستان رەسپۋبليكاسى تۇركيا رەسپۋبليكاسىنا قوسىمشا گۋمانيتارلىق كومەك كورسەتەدى.
بۇل ماسەلە ق ر پرەمەر- ءمينيسترىنىڭ ءبىرىنشى ورىنباسارى رومان سكلياردىڭ توراعالىعىمەن وتكەن ۇكىمەتتىك كوميسسيانىڭ وتىرىسىندا تالقىلاندى، دەپ حابارلايدى قازاقپارات ۇكىمەتتىڭ رەسمي سايتىنا سىلتەمە جاساپ.
گۋمانيتارلىق كومەكتە جالپى سالماعى شامامەن 55 توننا بولاتىن كيىم- كەشەك (جىلى كۇرتەشەلەر مەن شالبارلار)، قىسقى شاتىرلار، مەتالل كەرەۋەتتەر، توسەك- ورىن جابدىقتارى جانە باسقا دا كۇندەلىكتى قولدانىسقا قاجەتتى زاتتار بار.
جۇكتەر اۋە كولىگىمەن تۇركيانىڭ گازيانتەپ قالاسىنا جونەلتىلەدى.
قازاقستان بيىل اقپان ايىنىڭ باسىندا بولعان جويقىن جەر سىلكىنىستەرىنىڭ سالدارىن جويۋدا تۇركياعا قولداۋ كورسەتۋدە.
ايتا كەتەيىك، قاسىم- جومارت توقايەۆ ۇكىمەتكە تۇركياعا قوسىمشا گۋمانيتارلىق كومەك جىبەرۋ جونىندە تاپسىرما بەرگەن بولاتىن.
رەداكتور
ايدار وسپاناليەۆ