ورالدىق 55 جاستاعى تۇرعىن اۋىلىنا ۆەلوسيپەدپەن جەتتى
ول «رۋحاني جاڭعىرۋ» باعدارلاماسى اياسىندا تۋعان جەرى - جانىبەك اۋدانى كۇيگەنكول اۋىلىنا دەيىن قاراپايىم ۆەلوسيپەدپەن باردى.
ءوزىنىڭ ايتۋىنشا، مۇنداي الىس قاشىقتىققا العاش رەت شىققان ەكەن. 55 جاستاعى ازامات 5 -شىلدەدە تاڭعى ساعات 5-تە قوس اياقتى «تۇلپارىنا» وتىرىپ، سول كۇنى تۇندە جولشىباي اقجايىق اۋدانى قابىرشاقتى (پەرۆوماي) اۋىلىنا قاراستى شارۋا قوجالىعىنا تۇنەپ شىعادى. كەلەسى كۇندەرى تۇندە قازتالوۆ اۋدانىنا قاراستى جالپاقتال، سودان كەيىن قازتالوۆ اۋىلدارىنا ايالداپ، كۇيگەنكولگە كەشە ساعات 16.00-دەر شاماسىندا جەتكەن. ونى اۋىل اكىمى ءاليا وسپانوۆا، سىنىپ جەتەكشىسى جەمىس بيسەنوۆا باستاعان تۇرعىندار كۇتىپ الدى.
«كەشە اۋىل اكتيۆىمەن بىرگە دوڭگەلەك ۇستەل وتىرىسىن وتكىزىپ جاتىرمىز. بۇل ساپار - تۋعان جەرگە دەگەن قۇرمەت، تۇرعىنداردىڭ سپورتپەن دەندەپ اينالىسۋىنا سەپتەسەتىن، سالاماتتى ءومىر سالتىن ورنىقتىرۋدا ۇلگى بولارلىق وقيعا. الداعى ۋاقىتتا دا تۇلەكتەردىڭ تۋعان اۋىلىمەن بايلانىسىن نىعايتۋ باعىتىندا جۇمىستاناتىن بولامىز»، دەدى قازاقپارات تىلشىسىنە ءاليا بولات قىزى.
ايتا كەتەيىك، امانتاي ەسەنعاليەۆ ب ق و قىلمىستىق- اتقارۋ جۇيەسى دەپارتامەنتىندە جۇمىسشى بولىپ جاسايدى. ۇل-قىزدارى ەسەيگەن، ءار سالادا قىزمەت ەتىپ ءجۇر.
