ءدىن ىستەرى كوميتەتى: 55 سايتقا قازاقستان اۋماعىندا تاراتىلۋىنا سوتپەن توسقاۋىل قويىلدى
«ەلىمىزدە ءدىنتانۋ ساراپتاماسىن جۇرگىزۋدىڭ تولىققاندى جۇيەسى قالىپتاستىرىلدى جانە ول تەرىس سيپاتتاعى ءدىني ادەبيەتتەردىڭ ەلىمىزگە تارالۋىنا ايتارلىقتاي توسقاۋىل قويدى. جارتى جىلدا بارلىعى 1322 نىسانعا ءدىنتانۋ ساراپتاماسى جۇرگىزىلىپ، 25 نىسانعا تەرىس قورىتىندى بەرىلدى» ، - دەدى كوميتەت باسشىسى.
ع. شويكيننىڭ سوزىنە قاراعاندا، ينتەرنەت كەڭىستىگىندە ءدىني- ەكسترەميستىك جانە لاڭكەستىك كورىنىستەردىڭ تارالۋىن شەكتەۋ باعىتىندا 5 مىڭعا جۋىق سايتقا ءدىنتانۋ ساراپتاماسى جۇرگىزىلىپ، 177 ماتەريالعا تەرىس قورىتىندى بەرىلدى. اتاپ ايتقاندا، 55 سايتقا قازاقستان اۋماعىندا تاراتىلۋىنا سوتپەن توسقاۋىل قويىلدى. قالعاندارى سوت ورگاندارىنىڭ قاراۋىندا.
حالىقتىڭ ءدىني ساۋاتىن ارتتىرۋ جانە راديكالدى يدەيالارعا قارسى ناسيحات جۇرگىزۋ ماقساتىندا اقپاراتتىق- اعارتۋشىلىق ە-islam عالامتور رەسۋرسى اشىلدى. ينتەرنەتتەگى تانىمال الەۋمەتتىك جەلىلەردە ءدىن سالاسىنداعى وزەكتى ماسەلەلەردى ءتۇسىندىرۋ جۇيەسى قالىپتاستىرىلدى.
«ەلىمىزدەگى بۇگىنگى كۇندەگى ءدىني احۋالدى تۇراقتى دەپ باعالاۋعا بولادى. مەملەكەتتىك- كونفەسسيالىق جانە كونفەسسيا ارالىق قارىم- قاتىناستار جۇيەلى دامۋدا. ءدىن ىستەرى اگەنتتىگىمەن اعىمداعى جىلى جۇرگىزىلگەن ساۋالناما ناتيجەلەرى ازاماتتاردىڭ 90 پايىزعا جۋىعى ەلدەگى ءدىني احۋالدى قالىپتى دەپ باعالايتىنىن، ال ءدىن سالاسىنداعى مەملەكەتتىڭ ساياساتىن ازاماتتاردىڭ 86 پايىزى قولدايتىنىن كورسەتىپ وتىر» ، - دەدى كوميتەت باسشىسى.
اتاپ ايتقاندا، قازىرگى تاڭدا قازاقستاندا 18 كونفەسسيانى قۇرايتىن 3483 ءدىن سۋبەكتىسى قىزمەت اتقارادى. ولاردىڭ ىشىندە مۇسىلماندىق ۇيىمدار باسىم كوپشىلىكتى قۇرايدى - 2413. ءدىني عيماراتتاردىڭ باسىم بولىگى دە يسلامعا تيەسىلى - 2381 مەشىت.
ەلىمىزدە قازاقستان پراۆوسلاۆيە شىركەۋى - 303, ريم- كاتوليك شىركەۋى - 84, ال پروتەستانتتىق قاۋىمداستىقتاردىڭ سانى 600 دەن استام.
بۇلاردان بولەك، 7 يۋدەيلىك، 2 بۋدديستىك جانە 18 جاڭا ءدىني ۇيىمداردىڭ ءدىني بىرلەستىكتەرى قىزمەت اتقارادى.
كەڭەيتىلگەن القا ماجىلىسىندە مادەنيەت جانە سپورت ءمينيسترى ارىستانبەك مۇحامەدي «قازاقستان مۇسىلماندارى ءدىني باسقارماسىن استاناعا كوشىرۋ كەرەك»، دەپ ءمالىم ەتتى.
«قازاقستان مۇسىلماندارى ءدىني باسقارماسىنا ۇلكەن ءبىر ءوتىنىش بار. ءدىن سالاسى بويىنشا ءبىزدىڭ العا قويعان ماقساتىمىز، وسى سالانى جوعارى زياتكەرلىك دەڭگەيدە بولۋىن قامتاماسىز ەتۋ» ، - دەدى مينيستر.
وسى ورايدا ۆەدومستۆو باسشىسى ق م د ب وكىلدەرىنىڭ ۇلكەن جيىندارعا سپورتتىق جانە مادەني شارالارعا ءجيى قاتىسۋى كەرەكتىگىن اتاپ ءوتتى.
«قازىرگى كەزدە ق م د ب الماتى قالاسىندا ورنالاسقان. ءبىراق وسى ۇجىمدى استاناعا اۋىستىرۋىمىز كەرەك» ، - دەدى ا. مۇحامەدي ۇلى.
اۆتور: رۋسلان عابباسوۆ
