استانادا قازاق حاندىعىنىڭ 550 جىلدىعىنا ارنالعان مۋزىكالىق قويىلىم كەشى ءوتتى - فوتو
ەل تاعدىرىن ءوز تاعدىرىنان بيىك قويعان، ۇلتىنىڭ تۇتاستىعىن، جەرىنىڭ بۇتىندىگىن مۇرات ەتكەن قازاق حاندارى مەن باتىرلارى قازاق تاريحىنىڭ ءار بەلەسىندە ۇلتتىق تۇلعا بولىپ ساقتالدى. قازاق جەرىنىڭ ءبىر سۇيەمى وسىلاردىڭ ارقاسىندا جاۋدىڭ قولىنا كەتپەدى.
قۇس قاناتى تالاتىن كەڭ-بايتاق دالامىزدى، قۇتتى قونىس، اتامەكەنىمىزدى ۇلى باتىر بابالارىمىز نايزانىڭ ۇشىمەن، بىلەكتىڭ كۇشىمەن قورعاعان. اسىرەسە، حاندىقتىڭ ىرگەسىن بەكىتكەن كەرەي مەن جانىبەك، قاسقا جولىن سالعان قاسىم حان، ەسكى جولدى ەسكىرتپەگەن ەسىم حان، بەيبىتشىلىكتى ۇستانعان حاقنازار حان، «جەتى جارعىنى» اتا-زاڭىمىزدىڭ اتاسى ەتكەن ءاز-تاۋكە، قازاقتىڭ سوڭعى حانى كەنەسارى، ءۇش ءجۇزدىڭ بيلەرى: ايتەكە ءبي، تولە ءبي، قازىبەك ءبي مەن قازاق باتىرلارى ەل جادىنان ءبىر ءسات تە ۇمىتىلار ەمەس. مۋزىكالىق قويىلىم كەشى وسىنداي تاريحي تۇلعاسى بيىك حاندار مەن بيلەرىمىزدىڭ ەلگە سىڭىرگەن ەسەلى ەڭبەكتەرىن حالىققا دارىپتەۋدى، ۇرپاق ساناسىندا جاڭعىرتۋدى ماقسات ەتكەن.
كەشتە استانا قالاسى اكىمدىگى مەملەكەتتىك اكادەميالىق فيلارمونياسىنىڭ قازاق حالىق اسپاپتار وركەسترى، «شالقىما» حالىق ءبي ءانسامبلى، «ارتيست» ءبي توبى، ق. قۋانىشبايەۆ اتىنداعى مەملەكەتتىك اكادەميالىق تەاتردىڭ اكتەرلەرى ونەر كورسەتتى.
باقىتجول كاكەش
