قازاق حاندىعىنىڭ 550 جىلدىعىنا ارنالعان ماركا شىقتى - فوتو

استانا. قازاقپارات - بۇگىن «قازپوشتا» ا ق قازاق حاندىعىنىڭ 550 جىلدىعىنا ارنالعان پوشتالىق ماركانى اينالىمعا ەنگىزدى.

وسىعان وراي ق ر ۇلتتىق مۇراجايىندا وتكەن سالتاناتتى شاراعا ق ر پرەمەر-ءمينيسترىنىڭ ورىنباسارى بەردىبەك ساپاربايەۆ ارنايى قاتىستى.

«اعىمداعى جىلى ءبىز قازاق حاندىعىنىڭ 550 جىلدىق مەرەيتويىن كەڭىنەن اتاپ وتۋدەمىز. وزدەرىڭىز دە بىلەتىندەي، وتكەنى جوق ەلدىڭ بولاشاعى بۇلىڭعىر. تاريحى جوق ەل بولمايدى. بۇگىنگى «قازپوشتانىڭ» 550 جىلدىق مەرەيتويىمىزعا ارنالعان جاڭا پوشتا ماركاسىن شىعارۋى وتە جاقسى شارا. بۇل - «قازپوشتا» باسشىلىعىنىڭ، مينيسترلىك تارابىنىڭ ءبىزدىڭ تاريحىمىزدى، قازاق مەملەكەتتىگىن بارشا الەمگە پاش ەتۋى»، - دەدى ب. ساپاربايەۆ.

ماركانىڭ ولشەمى 52*36 م م، ال پاراعىنىڭ ولشەمى 156*148 م م. ءبىر پاراقتا 6 ماركا بار. پوشتا ماركاسىنىڭ اتاۋلى باعاسى 550 تەڭگەنى قۇرايدى. تارالىمى 5040 دانا. سۋرەتىن ر. احمەدين سالعان. ماركا «قازاقستان رەسپۋبليكاسى ۇلتتىق بانكىنىڭ بانكنوت فابريكاسى» رەسپۋبليكالىق مەملەكەتتىك كاسىپورنىندا باسىپ شىعارىلعان.

 

ا













اۆتور: مارلان جيەمباي