ۇلى بريتانيادا قازاق حاندىعىنىڭ 550 جىلدىعىنا ارنالعان كەش ءوتتى
ر. ۆايت - «شەكسىز دالانىڭ عايىپ بولعان حاندارى» (Vanished Khans and empty steppes) قازاق تاريحى تۋرالى كىتابىن جازعان ۇلى بريتانيانىڭ تۇڭعىش جازۋشىسى.
كىتاپ اۆتورى بۇرىن قازاقستاندا 5 جىل ەڭبەك ەتكەن بانك قىزمەتكەرى ەڭبەگىندە قازاق مەملەكەتتىلىگىنىڭ تۇراقتانۋى مەن دامۋى، ولاردىڭ ۇلتتىق بىرتەكتىلىك پەن اۋماعى ءۇشىن سىرتقى قاۋىپتەرمەن ۇزاق جىلدار بويعى كۇرەسى تۋرالى باياندايدى.
شاراعا قازاقستاندىق ستۋدەنتتەر، ديپلوماتتار، قازاق دياسپوراسىنىڭ وكىلدەرى، ق ر جانە ۇ ب مەملەكەتتىك جانە قوعامدىق ۇيىمدارى قاتىستى. كەشكە اعىلشىن تىلىندە جازاتىن ورتالىق ازيالىق اۆتورلاردىڭ جۇمىستارىنا مامانداندىرىلاتىن Hertfordshire Press بريتاندىق باسپا ءۇيى دە كەلدى.
Vanished Khans and Empty Steppes كىتابى قازاقستان تاريحىنىڭ نەوليت جانە ەرتە قولا داۋىرىنەن پوستكەڭەستىك ايماقتىڭ الدىڭعى قاتارلى مەملەكەتىنە اينالعان شاعىن قامتيدى.
ءىس-شارانى قازاقستان رەسپۋبليكاسىنىڭ ۇلى بريتانياداعى ەلشىلىگىنىڭ قولداۋىمەن Silk Road Media كومپانياسى ۇيىمداستىردى.
