قازاق حاندىعىنا 550 جىل: جامبىل وبلىسىندا ۇلكەن ءىس- شارا وتەدى- فوتو
«وبلىستىڭ 17 باسقارمالارى مەن 10 اۋداندىق اكىمدىكتەرگە قالانىڭ 26 ورتالىق جانە باس كوشەلەرى بەكىتىلدى. بۇدان باسقا، وبلىس اكىمىنىڭ تاپسىرماسى بويىنشا، 24 كوشە قوسىمشا اباتتاندىرىلادى، - دەدى قازاقپارات تىلشىسىنە تاراز قالاسى اكىمىنىڭ ورىنباسارى ەرىك كوشەربايەۆ. - بۇل نىساندار بويىنشا جۇمىستار باستالىپ كەتتى. بۇل اباتتاندىرۋ، قاسبەت، گازون، اياقجول، ارىقتار مەن جارىقتاندىرۋ جۇمىستارىن قامتيدى» .
جامبىل وبلىسى اكىمىنىڭ باسپا ءسوز قىزمەتىندە ناقتىلاعانداي، جەرگىلىكتى بيۋدجەتتەن اتالمىش جۇمىستار ءۇشىن 500 ميلليون تەڭگە ءبولۋ جوسپارلانعان.
«قازاقتىڭ مەملەكەتتىلىگىن مەرەكەلەۋگە قولدارىنان كەلگەنشە كومەك كورسەتۋ ءۇشىن دەمەۋشى رەتىندە جامبىلدىق كاسىپكەرلەردى، وبلىستا جۇمىس ىستەيتىن رەسپۋبليكالىق قۇرىلىمداردى تارتۋ ۇسىنىلدى» ، - دەدى ە. كوشەربايەۆ.
ەسكە سالساق، مەرەيتويلىق شاراعا تارازدى اباتتاندىرۋ ءۇشىن قازاقستاننىڭ بارلىق وڭىرلەرى اتسالىسۋدا. بۇگىندە 6 وبلىس (اتىراۋ، قىزىلوردا، ماڭعىستاۋ، اقتوبە، س ق و، ب ق و) جۇمىستارىنا كىرىستى.
قازاق حاندىعىنىڭ 550 جىلدىعىن مەرەكەلەۋ بيىل ەلدىڭ بارلىق وڭىرىندە وتەدى. 550 جىل بۇرىن تالاس پەن شۋ وزەنىنىڭ اراسىندا كەرەي مەن جانىبەك قازاق حاندىعىن قۇرعان جامبىل وبلىسىندا ۇلكەن ءىس- شارا وتەدى. ولاردىڭ ىشىندە «ماڭگىلىك ەل» اقىندار ايتىسى، «قازاق حاندىعىنىڭ قۇرىلۋى جانە تاريحى» كىتابىنىڭ تۇساۋكەسەرى، «تاراز - عاسىرلار كۋاسى» كورمەسى، «ەۋرازيا بارىسى» قازاقشا كۇرەس بويىنشا ق ر پرەزيدەنتىنىڭ جۇلدەسىنە حالىقارالىق تۋرنير وتەدى. تارازدا «ەجەلگى تاراز» جوباسى جۇزەگە اسىرىپ، قازاق حاندىعىنىڭ 550 جىلدىعىنا مونۋمەنت اشىلادى. قىتايلىق سيان قالاسىنان باستاۋ العان ۇلى جىبەك جولى باعىتى بويىنشا ەكسپەديتسيا كەرۋەنىنىڭ قاتىسۋشىلارىمەن كەزدەسۋ ۇيىمداستىرىلادى. 
