11:12, 27 - مامىر 2015 | GMT +6
قازاق حاندىعىنىڭ 550 جىلدىعىنا وراي يسلام حرەستوماتياسى شىعارىلادى
استانا. قازاقپارات - قازاقستان مۇسىلماندارى ءدىني باسقارماسىنىڭ عۇلامالار كەڭەسىندە قازاق حاندىعىنىڭ ايتۋلى 550 جىلدىق مەرەيتويىنا وراي قازاق توپىراعىندا سان عاسىردان بەرى جالعاسىپ كەلە جاتقان ءداستۇرلى ءدىنىمىزدىڭ اسىل قۇندىلىقتارى تۋرالى ارنايى عىلىمي يسلام حرەستوماتياسىن شىعارۋ قاجەتتىگى ايتىلدى.
بۇل تۋرالى ق م د ب باسپا ءسوز قىزمەتى حابارلادى.
باس ءمۇفتي ەرجان قاجى مالعاجى ۇلىنىڭ بۇل باستاماسىن عۇلامالار كەڭەسىنىڭ مۇشەلەرى ءبىراۋىزدان قولدادى. عىلىمي كىتاپقا ورتا عاسىرلىق كەزەڭدەگى، قاراحاندىقتار، التىن وردا - قىپشاق داۋىرىندەگى، قازاق حاندىعى تۇسىنداعى ءدىني ەڭبەكتەر، داستاندار مەن رۋحاني شىعارمالار ەنەدى.
«يسلام حرەستوماتياسىن شىعارۋداعى ماقساتىمىز - وتكەننەن ساباق الۋ، جاستاردى يماندىلىققا، ادامگەرشىلىككە، ىزگىلىككە، بىرلىككە، وتانسۇيگىشتىككە تاربيەلەۋ»، - دەدى ق م د ب ءتوراعاسى ەرجان قاجى مالعاجى ۇلى.
كەڭەس وتىرىسىندا يسلام حرەستوماتياسىن قاسيەتتى رامازان ايىندا شىعارۋ جوسپارلاندى.
