قازاق حاندىعىنىڭ 550 جىلدىعى: «قازاق ەلى - ماڭگىلىك ەل» اۆتوكەرۋەنى اقمولا وبلىسى ەڭبەكشىلدەر اۋدانىنا كەلدى - فوتو
اۆتوكەرۋەن ستەپنياك قالاسىنداعى اۋداندىق كىتاپحانا مەن وسىنداعى ارداگەرلەر حورى جانە ءبىرجان سال اتىنداعى مۋزىكالىق كوللەدج ۇجىمىمەن كەزدەستى. جىلى، شىرايلى راۋىشتە وتكەن كەزدەسۋ بارىسىندا اۋدان اكىمى اسقار قيىقوۆ قازاق حاندىعىنىڭ تۇپتەن تارتىلعان تاريحى، تۇڭعيىق سىرى، اقيىق قىرانداي ساڭقىلداعان جىرى قامتىلاتىن مۇنداي شارانىڭ ماڭىزى مەن تاربيەلىك ءمانى زور ەكەنىنە توقتالىپ ءوتتى. سونداي-اق ول 2015-جىلعا كوزدەلگەن وسىناۋ مەرەكەلىك شارالاردىڭ بارلىعى دا ەلدىك مۇراتتارىمىزدى ۇلىقتاۋعا، وتكەننەن ساباق الۋعا، بولاشاقتى بەكەم ەتە تۇسۋگە باعىتتالىپ وتىرعانىن قۋانىشپەن قارسى الدى.
سونىمەن قاتار قازاق حاندىعىنىڭ 550 جىلدىعىن ناسيحاتتاۋ ماقساتىندا شىققان اۆتوكەرۋەن قۇرامىنداعى شىعارماشىلىق ۇجىمدار، تاريحشىلار، قوعام قايراتكەرلەرى ۇلگى سەلولىق وكرۋگىنىڭ تۇرعىندارىمەن كەزدەستى. ءار سالا وكىلدەرىنەن توپتاسقان ولار تۇرعىنداردىڭ الۋان ءتۇرلى ساۋالدارىنا جاۋاپ بەرىپ، ەلىمىز بويىنشا قولعا الىنعان قازاق حاندىعىنىڭ 550 جىلدىعى مەرەيتويىن بىرلەسە اتاپ وتۋگە شاقىردى.
