شاڭحايدا قازاق حاندىعىنىڭ 550 جىلدىعى اتاپ ءوتىلدى - فوتو
قازاقستاندىق ستۋدەنتتەر ساحنالاعان مەرەكەلىك كونسەرتتە كورەرمەندەر نازارىنا قازاقتىڭ ءان-كۇيى، ۇلتتىق ءبيى ۇسىنىلىپ، «تۇساۋ كەسۋ» جانە «بەتاشار» كورىنىستەرى كورسەتىلدى.
«قازاقشا كۇرەس» پالۋاندارىنىڭ كورنەكى ورىنداۋلارى، «اۋدارىسپاق»، «قىز قۋۋ»، «ارقان تارتۋ» ۇلتتىق ويىندارى، سونىمەن قاتار تاريح پەن ناۋرىز مەيرامىنىڭ ەرەكشەلىكتەرى، قازاق داسۇرلەرى تۋرالى سۇراقتارى بولعان بايقاۋلار مەن ۆيكتورينالار كوپشىلىكتىڭ قىزىعۋشىلىعىن تۋدىردى.
قوناقتار مۇندا ءداستۇرلى «ناۋرىز كوجە»، باۋىرساق، پالاۋ، قازى جانە وزگە دە ۇلتتىق تاعامداردىڭ ءدامىن تاتىپ كوردى.
شاراعا 350 دەن استام ادام قاتىستى. ولاردىڭ قاتارىندا ستۋدەنتتەر، ديپلوماتتار، قىتايداعى قازاق دياسپورا وكىلدەرى، قازاقستان تاريحى مەن مادەنيەتى، داستۇرىمەن تانىسقان شاڭحاي تۇرعىندارى جانە شەتەلدىك تۋريستەر بار.
«ەلباسى 2015 - جىلدى قازاق حاندىعىنىڭ 550 جىلدىعىن اتاپ ءوتۋ جىلى دەپ جاريالاعانىنا قۋانىشتىمىز. بۇل تاريحىمىز، بىزگە ەركىندىك پەن تاۋەلسىزدىكتى سىيلاعان اتا-بابالارىمىزعا دەگەن قۇرمەت»، - دەدى شاڭحاي قازاق دياسپوراسىنىڭ وكىلى اينۇر تۇركيا قىزى.
قىتايداعى قازاقستاندىق ستۋدەنتتەر قاۋىمداستىعىنىڭ شاڭحاي بولىمشەسىنىڭ ءتوراعاسى، شىعىس قىتاي پەداگوگيكالىق ۋنيۆەرسيتەتىنىڭ ماگيسترانتى جاسداۋرەن داۋكەنوۆ مەملەكەتتىك مەرەكەلەردى شەتەلدە اتاپ ءوتۋ وتانىنان الىس جۇرگەن قازاقستاندىق جاستاردىڭ پاتريوتتىق رۋحىن كوتەرەتىنىن اتاپ ءوتتى.
«ءبىز بەلسەندى جاستاردىڭ وكىلدەرى تاۋەلسىز، تۇراقتى جانە وركەندەپ جاتقان قازاقستاندى ماقتان تۇتىپ، قازاقستانداعى پرەزيدەنتتىك سايلاۋدا ءوز تاڭداۋىمىزدى جاساۋعا دايىنبىز»، - دەدى ول.
ەسكە سالا كەتەيىك، اعىمداعى جىلى 26 - ساۋىردە وتەتىن پرەزيدەنتتىك سايلاۋدا شاڭحاي قالاسىنداعى جانە جىجياڭ، فۋجيان، جياڭسۋ، شيانشي مەن انحوي پروۆينسيالارىنداعى ق ر ازاماتتارى شاڭحاي قالاسىنداعى ق ر باس كونسۋلدىعى جانىنداعى №244 سايلاۋ ۋچاسكەسىندە داۋىس بەرە الادى.
