شىمكەنتتە قازاق حاندىعىنىڭ 550 جىلدىعىنا ارنالعان كورمە اشىلدى - فوتو
«ۇلكەن مۇراجايعا ءجۇز جۇمىس قويىلعان. اۆتورلارى - وڭتۇستىك قازاقستاندىق سۋرەتشىلەر، اقتاۋ، استانا، پاۆلودار، قاراعاندى، قىزىلوردا تۇرعىندارىنىڭ كارتينالارى دا بار. مۇندا سول كەزەڭنىڭ بەينەسىن اسەرلى جەتكىزە بىلگەن جۇمىستار عانا قابىلداندى»، - دەدى مۇراجاي ديرەكتورى اينابەك وسپانوۆ.
كەلۋشىلەردىڭ نازارىنا مايمەن جازىلعان تۋىندى ۇسىنىلدى. ءتۇس كىلەم جانە تەرىدەن جاسالعان كەنەپتەر دە بار. سۋرەتشىلەردىڭ شىعارماشىلىعىن وڭتۇستىكقازاقستاندىقتار مەن قالا قوناقتارى ەكى اي تاماشالاي الادى. كەيىننەن كارتينالاردى تازالاپ، ارنايى ماي ءسىڭدىرىپ، قويماعا قويادى. ولار قويمادا بەلگىلى ءبىر تەمپەراتۋرادا 9 اي بولۋى ءتيىس. كۇزدە ولاردىڭ ورنىن قازاق حاندىعىنىڭ 550 جىلدىعىنا ارنالعان كارتينالار باسادى، دەدى مۇراجاي باسشىسى.
سونىمەن قاتار، كورشى زالدا قىزىقتى ەكسپوزيتسيا اشىلدى. زالدارىنىڭ بىرىنە راريتەت كارتينالار قويىلدى.
«بۇل تۋىندىلار تاريحي- ولكەتانۋ مۇراجايىنان جەتكىزىلدى. ولار 1939 جىلدان باستاپ جيناقتالىپ، بۇلىنبەي ساقتالعان. 20-21 عاسىرلارداعى بەلگىلى شەبەرلەردىڭ كارتينالارى قويىلدى، ولاردىڭ ىشىندە شىمكەنتتىك تە سۋرەتشىلەر بار»، - دەدى وسپانوۆ.
كارتينالاردان شىمكەنتتىڭ دامۋ جولىن كورۋگە بولادى. ءونىم جيناۋ ۋاقىتىنداعى شارۋالاردىڭ ەرەن ەڭبەگى، قالادا ءىرى سەمەنت زاۋىتى مەن باسقا دا ءىرى وندىرىستەردىڭ سالىنعانى تۋرالى، شىمكەنتتىڭ 1962 - جىلى قانداي بولعانى، 1970 - جىلعا دەيىن قالاي وزگەرگەنى جايلى تاريحتى كوز الدىڭا اكەلەدى.
شىنى زالدا قازاقستان حالقى اسسامبلەياسىنا ارنالعان كورمە ورنالاسقان. مۇندا «دوستىق» اتاۋىمەن و ق و- دا تۇراتىن ءتۇرلى ۇلتتاردىڭ بىرلىگى، دوستىعى جايلى فوتو جۇمىستار جيناقتالعان. سونىمەن بىرگە بىرلىك پەن تولەرانتتىلىققا ارنالعان ەرەكشە شارالارىڭ ەسەبى قويىلعان.
وقو ونەر مۇراجايى پايدالانۋعا جۋىردا بەرىلگەنىن اتاپ وتكەن ءجون. قازىر ونىڭ الاڭى 2400 شارشى مەتردى قۇرايدى. بۇرىن ولاردا مامانداندىرىلعان عيمارات بولماعان. مۇراجاي قورىندا 755 كارتينا بار. تاياۋدا قازاقستاندىق شەبەرلەردىڭ عانا ەمەس، گەرمانيا، رەسەي، ءۇندىستان قىلقالام شەبەرلەرىنىڭ كورمەسى وتكىزىلەتىن بولادى.
