09:09, 19 - اقپان 2015 | GMT +6
استانادا قازاق حاندىعىنىڭ 550 جىلدىعىنا ارنالعان تاريحي-تانىمدىق كەش ءوتتى - فوتو
استانا. قازاقپارات - «استانا» ۇلتتىق كوركەم سۋرەت گالەرەياسىندا استانا قالالىق تىلدەردى دامىتۋ باسقارماسىنىڭ ۇيىمداستىرۋىمەن قازاق حاندىعىنىڭ 550 جىلدىعىنا ارنالعان تاريحي-تانىمدىق كەش ءوتتى.
«شارانىڭ ماقساتى - مەملەكەت باسشىسىنىڭ قازاق حاندىعىنىڭ 550 جىلدىعىن تويلاۋ كەرەك دەگەن باستاماسىن قولداۋ، جاستاردىڭ بويىنداعى پاتريوتتىق سەزىمدى كۇشەيتۋ، تاۋەلسىزدىك قۇندىلىقتارىن ناسيحاتتاۋ، مەملەكەتتىك ءتىلدىڭ قولدانىلۋ اياسىن كەڭەيتۋ»، - دەپ اتاپ ءوتتى استانا قالالىق تىلدەردى دامىتۋ باسقارماسىنىڭ باسشىسى ەربول تىلەشيەۆ.
كەشتە مۇحاممەد ءراشيديدىڭ «تاريحي راشيدي» ەڭبەگىنىڭ نەگىزىندە ساحنالانعان قويىلىم كورسەتىلدى. وعان ق. قۋانىشبايەۆ اتىنداعى قازاق مۋزىكالىق دراما تەاترىنىڭ ارتىستەرى قاتىسىپ، قازاق حاندىعىنىڭ قۇرىلۋ كەزىندەگى ماڭىزدى وقيعالاردى كورەرمەندەر نازارىنا ۇسىندى.
سونداي-اق الماس الماتوۆ، ايگۇل ەلشىبايەۆا جانە باسقا دا ءداستۇرلى ءان ونەرىنىڭ مايتالماندارى ونەر كورسەتتى.
