قازاق حاندىعىنىڭ 550 جىلدىعىنا ارنالعان لوگوتيپ تاڭدالدى
ق ر مادەنيەت جانە سپورت مينيسترلىگى جاريالاعان كونكۋرستا الماز نۇرازحان جەڭىپ شىقتى. «تاڭدالعان 4№ ەسكيزدىڭ نەگىزىندە اۆتور الماز نۇرازحانعا باننەردىڭ ەسكيزىن جاساۋ ۇسىنىلادى»، - دەپ حابارلادى قازاقستان حالقىنىڭ رۋحاني دامۋ قورىنىڭ وكىلدەرى.
كونكۋرسقا جالپى 14 لوگوتيپ قاتىستى. ونىڭ ىشىندە بلوگەر باقىتجان بۇقاربايەۆ تا بار. ول كونكۋرستىڭ ۇيىمداستىرىلۋىنا كوڭىلى تولمايتىنىن ايتتى. ونىڭ ايتۋىنشا، كونكۋرس جەتكىلىكتى دەڭگەيدە جاريالى تۇردە وتكەن جوق.
«كونكۋرستىڭ ەرەجەسىنە سايكەس، ۇمىتكەرلەرگە ەڭبەكتى جاساپ شىعۋ ءۇشىن تۋرا ءبىر اپتا بەردى. سول باستان-اق كۇدىك تۋىپ، جەڭىمپازدىڭ انىقتالىپ قويعان شىعار دەپ ويلادىم، ال كونكۋرس بولسا «جالعان» جانە كوزبوياۋشىلىق ءۇشىن ۇيىمداستىرىلعان، دەسە دە مەن سىناسىپ كورسەم دەپ ويلادىم. كونكۋرسقا ۇيىمداستىرۋشىلار بارىنشا از ادامنىڭ قاتىسقانىن قالاعانداي بولىپ كورىندى»، - دەپ جازدى ول بلوگىندا. سونىمەن قاتار، بۇقاربايەۆ جەڭىمپاز الماز نۇرازحاننىڭ قازاقستان حالقىنىڭ رۋحاني جامۋ قورىنىڭ قىزمەتكەرى ەكەنىن دە ايتتى.
باقىتجان بۇقاربايەۆ پەن سۋرەتشى دۋلات ۇسەنبايەۆتىڭ لوگوتيپتەرى
ال قوردىڭ وكىلدەرى كونكۋرستىڭ ءادىل وتكەنىن، لوگوتيپتى قۇرامىندا قوردىڭ قىزمەتكەرلەرى مەن ق ر مادەنيەت جانە سپورت مينيسترلىگىنىڭ وكىدەرى بار قازىلار القاسىنىڭ مۇشەلەرى تاڭداعانىن ايتتى.
ەسكە سالا كەتەيىك، قازاق حاندىعىنىڭ 550 جىلدىعىنا 23 ميلليارد تەڭگە جاراتىلادى دەپ جوسپارلانعان.
